• Euzkeraz.
• Liburua udal liburutegian eska daiteke
• Informazioa eta izen-ematea: 943 11 12 85 - liburutegia@hondarribia.eus.

Koaderno handia

Ikasketa-prozesu baten lekuko egiten gaitu Koaderno Handiak. Pertsonaia nagusien, bi anaia bikien, ikasketa-prozesua da. Liburuak jakinmina pizten du, erakarri eta berarekin eramaten du irakurlea liluraturik. Edonor harritzen baitu horrelako gertaerak hain xalo kontaturik entzuteak. Xalotasun-aire hori lortzeko, Agota Kristofek haurren idatz-tankera antzeratzen du. Irakurketa amaitu eta gero, liburua itxi eta bat baino geratuko da gogoetatsu, irria ezpainetan izozturik eta galderaren bat buruan jauzika.

Agota Kristof

Agota Kristof 1935ean jaio zen Csikvánden, Hungarian. Arrazoi politikoengatik,  1956an Suitzara joan zen bizitzera. Bost urtez erloju fabrika batean lanean aritu ondoren, Kristofek frantsesa ikastea erabaki zuen, eta hizkuntza horretan idatzi zuen 1986an bere lehen nobela, Koaderno handia, trilogiako lehen pieza, Claus eta Lucas anaiak protagonista zituena, eta ondoren La prueba (1988) eta La tercera mentira (1992).Trilogia ospetsu honek sari garrantzitsuak eman zizkion, hala nola Alberto Moravia Italian, Gottfried Keller eta Friedrich Schiller Suitzan eta Austriako Europako Literatura Saria. Horrez gain, beste antzezlan eta narratiba lan batzuk ere idatzi ditu, besteak beste, Ayer ( Libros del Asteroide, 2021) eta Analfabetoa idazlea  (Alberdania 2020). 

Neuchâtelen (Suitza) hil zen 2011n.