HONDARRIBIA MUGITZEN ARI DA prozesu kolektibo bat da, udalerriko mugikortasuna jasangarriagoa, berdintasunezkoagoa, seguruagoa eta osasuntsuagoa izan dadin. Prozesu horretan parte hartzen dute auzotarrek, hainbat taldek eta erakundek, talde teknikoek eta Hondarribiko Udalak.
Zuk ere mugikortasuna hobetu dezakezu!
2023·09·12
Era guztietako jarduerekin Mugikortasunaren Astea ospatuko da irailaren 16tik 22ra
Irailaren 16tik 22ra Mugikortasun Astea ospatuko da Hondarribian. ‘Konbinatu eta mugitu’ lelopean, aurkezpen prentsaurrekoa gaur goizez burutu da Udaletxeko Areto Nagusian, eta han izan dira Estitxu Urtizberea Alkateordea eta Ingurumen zinegotzia, Anais Mitxelena Aranzadi Zientzia Elkarteko ordezkaria, Gorka Obeso Balazta Elkartearen izenean eta Maria Carrera Amuitz Dendarien Elkartekoa.