Jaitzubiako padurak eta Jaizkibel mendia naturguneak Europar Batasunak Babesten ditu, eta Natura 2000 Sarearen barruan daude kokatuak, bertako biodibertsitatea kontserbatzeko helburuarekin.
2011tik hona, Udala Jaizkibelgo eta Jaitzubiako natura ondarearen jarraipena, kontserbazioa eta dibulgazioa bultzatzeko ekintzak ari da sustatzen. Eusko Jaurlaritzako Ekonomiaren Garapen, Jasangarritasun eta Ingurumen Sailaren babesarekin, eta Gipuzkoako Foru Aldundiarekin elkarlanean, bi naturguneetako biodibertsitatearen aldeko hainbat proiektu jarri dira martxan, Jaizkibelgo 275 hektareatan eta Jaitzubiako 28 hektareatan.
Jaizubiako padurak
Txingudi-Bidasoa izena duen Gipuzkoako padura-sistema garrantzitsuenaren barnean kokatua daude Jaitzubiako padurak, eta 25 hektareako hedapena dute. Naturgune babestua izanik, Natura 2000 Sarean barneratua dago, eta bertan, habitat zein espezie interesgarriak topa daitezke.
Jaizkibel
Kantauri itsasoaren kostaldean kokatua dagoen mendilerroa. Natura 2000 Sarean barneratua, 2.470 hektareako zabalera du. Ingurune natural berdingabe honetan monumentu megalitikoak (trikuharri eta harrespilak), aparteko formazio geologikoak, hareharrizko kala lasaiak eta bioaniztasun handiko paisaiak topatuko ditugu.
Proiektu nabarmenak
Eusko Jaurlaritzako Ekonomiaren Garapen, Jasangarritasun eta Ingurumen Sailaren babesa jaso duen proiektua
Eusko Jaurlaritzak eta Europar Batasunak 2014-2020 Eskualde Garapenerako Europar Funtsaren (EGEF) bitartez kofinantzatutako eragiketa