Tabernak, jatetxeak, hotelak, komertzioak…asko dira eraginak pairatu dituzten eta azken urtean pertsiana itxi behar izan duten negozioak eta sektoreak.
Gure komertzioa eta gure ostalaritza gure kultur altxor handienetako bat dira. Ez genuke gure idiosinkrasia ulertuko elkarrekin hitz egiteko, harremanetan jartzeko, edo ospatu beharrekoa ospatzeko gizartean elkartzen garen taberna eta jatetxe horiek gabe.
Eta ez dugu amore emango. Berriz zutituko gara. Borrokan jarraituko dugu. Oraindik asko dugu bizitzeko eta ospatzeko.
Ahalegin eta sakrifizio handiz, egunero borroka eginez, eta gure izaerari eusten eta gure iragana errespetatzen jakin dugulako, Hondarribia erreferentziazko helmuga izatera iritsi da.
Esti, Axi, Dana, Gorka, Enara, Julian…berdin dio zein den zure izena eta zer eginkizun duzun borroka honetan. Arrantzalea, zerbitzaria, sukaldaria, kafe bat hartzen duen lagun pare bat, edo gu bisitatzera kanpotik etortzen direnak.
Denak hiri honetako osagaiak gara, eta harro gaude hiriaz. Izaera gogor eta langilea dituen arrantzale herria. Harresi sendoz eta istorio sinestezin eta liluragarriz osatutako hiria.
Hondarribiko taberna, jatetxe eta hoteletan oraindik idazteko dauden istorioak.
Eta Hondarribia zu zara.
