Udal-aurrekontua
Udal-aurrekontua toki-administrazio baten diru-sarrerak eta gastuak zehazten dituen finantza-plana da, epe jakin baterako, normalean urtebeterako. Dokumentu hori funtsezkoa da baliabide publikoak eraginkortasunez kudeatzeko, aukera ematen baitu funtsak esleitzeko hezkuntza, osasuna, azpiegitura eta zerbitzu publikoak bezalako arloei. Gainera, komunitatearen lehentasunak eta beharrak islatzen ditu, udal agintariek erabakiak garden eta arduratsu hartzen dituztela bermatuz.
Nola egiten dira Udal-aurrekontuak
Udal-gobernuak zirriborroa prestatu eta Udalbatza osatzen duten taldeetako zinegotziei ematen die. Ogasuneko zinegotziak Ogasun, Ondare eta Kontuen Batzorde Bereziaren bitartez zirriborroaren berri ematen du, eta bertan eztabaidaten da edukia. Udaleko kontu-hartzailea eta idazkaria bertan izango dira, parte-hartzaileen edozein zalantza argitzeko.
Eztabaida gaindituta, batzordeak dokumentua (irizpena) igortzen du, bertan parte hartu duten zinegotzien iritziak biltzen dituena, baita aurkeztutako aurrekontuaren aldeko eta aurkako botoak ere. Irizpenean jasota ager daitezke batzordeko edozein kidek proposatutako eta bozketa bidez onartutako aldaketak, beti ere boto kopuru gehiengoa izatea lortuz gero.
Txosten osoa prestatu eta zinegotzi guztiei banatzen zaie. Une horretan alkateak ezohiko udalbatza deituko du, Aurrekontua eztabaidatu eta bozkatzeko, behin-behinean onartua izan dadin.
Horren ondoren aurrekontua publikoki ezagutarazten da, 15 lanegunetako epean, edozein herritarrek Aurrekontua aztertu eta egokitzat jotzen dituen erreklamazioak aurkezteko aukera izan dezan. Erreklamaziorik jasotzekotan, Ogasuneko batzordeak aztertuko ditu eta udalbatza berria egin beharko da proposamen horiek aintzat hartu edo ez erabakitzeko. Prozedura honekin ontzat emango da, behin betiko, aurrekontua.
Aurrekontuak
Udal-aurrekontuak
Hondarribia Lantzen
Arma Plaza Fundazioa
AURREKONTU PROZEDURAREN LABURPENA |
 Aurrekontuen zirriborroa Udal-gobernua |
 Ogasun-batzordea Eztabaida eta TALDEETAKO proposamenak jasotzea (hala dagokionean) |
 Udalbatzaren behin-behineko onespena |
 Herritarren esku jartzea Herritarrek alegazioak jar ditzakete |
 Ogasun-batzordea Eztabaida eta herritarren proposamenak jasotzea (hala dagokionean) |
 Udalbatzaren behin betiko onespena |
