Ostalaritzan euskaraz
Ostalaritzak pisu handia du Hondarribiko arlo sozioekonomikoan. Horren jakitun, eta euskararen erabileran hobekuntza tarte handia dagoela ikusita, Hondarribiko Udaleko Euskara Sailak 2025eko udan herriko taberna eta jatetxeetan euskarak duen presentziaren inguruko azterlana abiatzea erabaki zuen.
Diagnosi hori egiteko hiriko 70 taberna eta jatetxeren azterketa egin da behaketa eta banakako elkarrizketen bidez, lagin esanguratsua, lautik hiru baitira aztertutako taberna eta jatetxeak. Hemen kontsultatu ditzazkezu azterketan emandako emaitza nagusienak: Hondarribiko taberna eta jatetxeetan euskararen egoera
Bertatik Bertara
Lan ildo honeri jarraituta UEMArekin batera Bertatik Bertara kanpaina egiten da udalerrietan bisitariak zein bisitariekin harremana duten zerbitzu sektoreko arduradunak eta langileak euskara aintzat hartzera gonbidatzeko
Bertako produktuen, paisaiaren eta gainerako eskaintza zabalaren artean, udalerri euskaldunen nortasuna egokien islatzen duena euskara dela nabarmendu nahi du egitasmoak. Horretarako, askotariko euskarri eta baliabideak sortu eta banatzen dira, hala nola, mahaigaineko zein hiztegitxoak.
