Talaia Alai

Talaia Institutuaren eta Talai Bordari eskolaren eskola-ingurunerako prestatzen ari den Talia Alai proiektuak Ama Guadalupekoa eskola-ingurunean egin beharreko proiektua definitzeko gauzatu den partaidetza-eredu bera jarraitu du. Horrela, esku-hartze hauen helburu nagusia eskola-ingurunearen iragazkortasuna, jarraitutasuna, segurtasuna eta oinezkoen erakargarritasuna hobetzea da, ingurune hau erabiltzen duten pertsona guztientzat lagunkoiagoa izan dadin. Horrela, oinez doazen pertsonei galtzada erabiltzeko aukera emango zaie, eta eremu honen erabilgarritasuna hobetuko duten altzariak jarriko dira.

 

Talaia Alai proiektuak hainbat esku-hartze eskatuko ditu galtzadetan eta eremu zabal samar bateko mugikortasunean. Eskola-ingurunea osatzen duten kaleei eragiteaz gain, Domingotxoenea, Aintziondo, Gabriel Aresti, Aspune eta Baserritar Etorbidea kaleetan eragina izango du.

 

 

Eraldaketa proiektuak, hainbat neurrien bidez, trafikoa baretzea aurreikusten du, galtzadaren zabalera murriztuz eta espazio hori oinezkoentzat bideratuz espaloi zabalagoen bidez. Gainera, oinezkoentzako plataforma motako pasabideak eraikiko dira, hauen segurtasuna eta erosotasuna bermatuz.

 

Era berean, ikastetxeen mugakide diren espazioak egokitu egingo dira eskola-ingurunearen segurtasuna areagotzeko, eta, aldi berean, espazio lagunkoiagoak eta erosoagoak sortu nahi dira, jolas eta diseinu dibertigarriak sortzeko. Ildo horretan, hainbat bide-zati oinezkoentzat, txirrindularientzat eta larrialdietako ibilgailuentzat soilik izango dira erabilgarri, igarobide zabalagoak eta seguruagoak sortuz.

 

 

Proiektua 2022ko urriaren 20an aurkeztu zen. Orain exekuzio-proiektua idatziko da. Azken proiektua berretsita, obra lizitatu eta gauzatzeko prozesua hasiko da, eta, azkenik, ebaluazio parte-hartzailea garatuko da.