Hiri mugikortasun iraunkorraren ordenantza Oinezkoak

Jarraibide orokorrak

Oinezkoak oinezkoentzako gune guztietan ibili ahal izango dira: espaloietan, pasealekuetan eta parkeetan, bai eta bizitegi-kaleetan ere, baina seinaleztatutako pasabideetatik zeharkatu beharko dituzte galtzadak eta bizikleta bideak.

Oinezkoentzako guneetan, bizitegi-kaleetan eta 30eko guneetan oinezkoek lehentasuna izango dute edozein ibilgailu mota erabiltzen dutenen aurretik.

Desgaitasuna edo dibertsitate funtzionala duten pertsonek eta gurpil aulkietan edo antzeko ibilgailuetan doazenek lehentasuna izango dute gainerakoen aldean.

Oinezkoentzako guneetan hiri altzariak eta zuhaitzak egongo dira, bertan egotea eta ibiltzea ahalik eta erosoena eta erakargarriena izan dadin.

Oinezkoak ezin izango dira bizikleta bideetan eta ibilbideetan ibili, berariaz adierazi ezean, eta, adierazpen hori ez duten eremuetatik ibiltzean, kontuz ibili beharko dute, bizikletaz doazenen lehentasuna errespetatuz.

Ibilgailuentzako abiadura muga 20 km/h-koa da bizitegi eremuetan eta plataforma bakarreko kaleetan (galtzada espaloiaren maila berean dagoen lekuetan).