Aplikazio habiaratuak

Menu Mugitzenarida

Aplikazio habiaratuak

Menú v2 (publicado) • Ordenanza • Ancla

Beste erabiltzaile batzuk

Título • Bizikletak

Hiri mugikortasun iraunkorraren ordenantza Bizikleta normala eta elektrikoa

Aplikazio habiaratuak

Edukia • Jarraibide orokorrak

Jarraibide orokorrak

Bizikletek bakarrik erabiltzeko diren bideak eta oinezkoekin eta ibilgailu motordunekin partekatzen diren bideak erabil ditzakete bizikletaz doazen pertsonek.

Ibilgailu motordunentzako bideetan dabiltzanean, bideak markatzen duen abiadura berean ibil daitezke, eta galtzadaren erditik joan daitezke.

Oinezkoekin partekatutako espazioak erabiltzen dituztenean, aldiz, oinezkoaren zirkulaziora egokitu behar dute abiadura. Bizikletek atoia eraman ahal izango dute, homologatua egon beharko duena, eta bide horretatik doazen gainerako ibilgailuen abiaduraren araberakoa izango da abiadura muga.

Bizikletaz joaten diren pertsonek trafikoari eta bide segurtasunari buruzko araudia bete behar dute. Gainera, zirkulatzerakoan, gainerako erabiltzaileen segurtasuna bermatu behar dute, batez ere oinezkoena eta babes berezia duten beste pertsona batzuena.

Aplikazio habiaratuak

Edukia • Bizikletak oinezkoentzako guneetan

Bizikletak oinezkoentzako guneetan

Bizikletaz doazen pertsonak ezin dira egonlekuetatik, espaloietatik eta oinezkoentzako kaleetatik ibili, 10 urtetik beherakoak izan ezik, horiek bai ibil daitezke oinezkoen antzeko abiaduran badoaz.

Bizikletaz doan pertsonak espaloian sartu behar badu, bizikletatik jaitsi egin behar du eta bizikleta eskuan hartuta joan behar du helmugara.

Aldiz, berariazko seinaleztapena edo bizikleta ibilbide bat dagoenean, bizikletaz doazen pertsonek egonlekuetatik (parkeak, pasealekuak edo lorategiak eta oinezkoentzako kaleak) zirkulatu ahal izango dute, oinezkoei lehentasuna emanez.

Aplikazio habiaratuak

Edukia • Bizikletak bizitegi-kaleetan

Bizikletak bizitegi-kaleetan

Bizitegi-kaleetan eta 30eko eremuetan zirkulatzen ari direnean, bizikletaz doazen pertsonek abiadura moteldu eta ibilbidea egokitu behar dute oinez doazenak arriskuan ez jartzeko, 1,5 metroko segurtasun tartea utziz.

Oinezkoen joan-etorriengatik edo bestelako baldintzengatik segurtasun tartea utzi ezin denean, bizikletaz doazenek hartatik jaitsi eta oinez joan behar dute.

Bizitegi-kaleetan, bizikletaz doazen pertsonak bi noranzkoetan ibil daitezke, seinaleek debekatzen ez badute.

Aldiz, 30eko eremuetan, bidearen noranzkoan baino ezin dute zirkulatu, seinaleek bi noranzkoetan zirkulatzeko aukera ematen dutenean izan ezik. Kasu horretan, bidearen noranzkoan doan ibilgailuak izango du lehentasuna.

Aplikazio habiaratuak

Destacado • Bizikleta bideak eta ibilbideak

Aplikazio habiaratuak

Edukia • Bizikletak galtzadan

Bizikletak galtzadan

Bizikletak galtzadatik ibil daitezke, bidean ezarritako abiadura muga mantenduz.

Bizikletaz doazen pertsonek garraio publikorako gordetako erreietatik zirkulatu dezakete, betiere seinaleek berariaz halakorik adierazten badute.

Ibilgailu motordunentzako noranzko bakarreko bideetan, bizikletek bi noranzkotan zirkulatu dezakete bizikleta bidetik edo galtzada ibilgailuekin partekatuz, betiere argi eta garbi seinaleztatua badago bizikletek bi noranzkoetan zirkulatu dezaketela bide horretatik.

Galtzadan zehaztutako “babes bandetatik” doazenean, lehentasuna dute bizikletaren erabiltzaileek, baina ibilgailuek bandetatik zirkulatu dezakete beste ibilgailu motordun batekin gurutzatu behar dutenean. Ibilgailuek ezin izango dituzte inoiz deseroso edo arriskuan jarri “babes bandetatik” doazen bizikleta erabiltzaileak”.

Aplikazio habiaratuak

Edukia • Bizikleten aparkalekua eta udal erregistroa

Bizikleten aparkalekua eta udal erregistroa

Horretarako berariaz prestatutako tokietan aparkatu behar dira bizikletak.

Aparkatzeko leku librerik ez dagoenean:

Bizikletak hiri altzariei lotu ahal izango zaizkie, baldin eta altzari horien funtzioa kaltetzen, hondatzen edo aldatzen ez bada. Hori da espaloian aparkatu daitekeen kasu bakarra, eta beste erabiltzaileei oztoporik sortu gabe egin beharko da, 72 orduz gehienez.

Bizikleta ezin izango zaie zuhaitzei edo bestelako landare elementuei lotu.

Bizikletak aparkatzeko bandak dauden lekuan aparkatu ahal izango dira, aparkaldi mugatuko guneak barne.

Alkateak edo eskumena duen zinegotzigoak bizikleten udal erregistroa sortu ahal izango du lapurretak edo galerak prebenitzeko, bizikleten kokapena erraztuz. Erregistro hori Udaltzaingoak kudeatuko du.