Autokarabanak toki erreserbatuetan aparkatzea
Autokarabanak eta antzeko ibilgailuak Udalak ezarritako tokietan aparkatu behar dira, honako arau hauei jarraituz:
Ibilgailuak ezin dira irten aparkatzeko egokitutako espaziotik. Beraz, ezin izango dute galtzadaren, espaloiaren, pasealekuaren edo lorategi eremuaren zati bat hartu.
Sartzeko eta irteteko maniobrak egin ahal izateko moduan aparkatuko da, eta gainerako erabiltzaileei enbarazu egin gabe.
Ibilgailua ibilgetu egin behar da, berez edo hirugarrenek mugitu ezin izateko moduan.
Eremu horien txandakatzea eta bidezko banaketa bermatzeko, eremu horietan aparkatzeko gehieneko ordu kopuru jarraitua ezar dezake Udalak.
Udalak eremu horiek instalatzea susta dezake, eta titulartasun publikokoak edo pribatukoak izan daitezke, baina erabilera beti izango da publikoa.
