Kosta kalea hobetzen

Hondarribiko HMJPak Kosta Kalea eta Santa Engrazia arteko ardatza oinezkoentzako eta bizikletentzako lehentasunezko lotura bezala definitzen du, Mendelu eta Amute-Kosta auzoak udalerriaren gune nagusiarekin lotzeko aukera emango duena.

Kosta Kalea Hobetzen inguruko bizilagunen eta udalaren artean partekatutako hausnarketa-proiektu bat da, ardatz honetan mugikortasunaren, segurtasunaren eta irisgarritasunaren arloan beharrezkoak diren jarduerak identifikatu eta diagnostikatzeko, alde guztiek partekatzen dituzten premisa nagusi batzuetatik abiatuta: ibilgailu pribatuaren zentzuzko erabilera eta trafikoaren baretzea, oinezkoentzako ibilbideak hobetzea eta Kosta kalea ardatzeko.

Kosta Kalea Hobetzen administrazioaren, elkarteen eta herritarren arteko topaketa-ibilbide baten bidez osatzen da, mugikortasunaren, segurtasunaren eta irisgarritasunaren arloko esku-hartzeak diseinatu eta lehenesteko aukera emanez.

Ibilgailu pribatuaren zentzuzko erabileraDistantziak handiak ez diren hiri batean bizitzeko zortea dugu, eta horrek, askotan, edozein puntura azkar eta eroso iristeko aukera ematen digu, gure ibilgailu pribatua erabili beharrik gabe. Gure autoaren erabilera arrazionalagoa eginez, Hondarribia hiri seguruagoa, atseginagoa eta iraunkorragoa bihur dezakegu.

Trafikoa baretzeaKosta kalea hirigunera iristeko ibilgailuen trafikoak gehien erabiltzen duen aukeretako bat da. Arrazoi hori dela eta, askotan, ingurua gehiegi itotzen du ibilgailuen trafikoak, eta, gainera, abiadura handiegian zirkulatzen du. Hondorioz, bizilagunentzako eragozpen eta arrisku ugari sortzen dira, hots- eta ingurumen-kutsadurari gehituta.

Oinezkoentzako ibilbideak hobetzeaGaur egun, Kostako espaloiko zenbait gunek ez dituzte betetzen oinezkoentzako irisgarritasun- eta jarraitutasun-baldintza egokiak, oinezkoen segurtasuna eta erosotasuna bermatzeko. Ondorioz, benetako arrisku eta deserosotasun sentsazioa sortzen da oinez, gurpil-aulkian edo espaloiak erabiltzen dituen beste edozein modalitatetan mugitzen diren pertsonentzat.

Bizikleta zirkulazioaKosta kaletik doan bidegorria estuegia da noranzko bikoitzean zirkulatzeko. Hori dela eta, txirrindularien arteko talkak eta errepidera irteerak gerta daitezke, txirrindularientzat eta motordun ibilgailuentzat arriskua egoerak sortuz.

“Kosta Kalea Hobetzen” topaketak: Nola parte har dezaket?

Herritarren parte hartzerako metodologia bati jarraituz, "Kosta Kalea Hobetzen" izeneko topaketak jarri dira abian. Hauen bidez, herritarren, udalaren eta eragindako beste erakunde batzuen artean hausnarketa prozesu partekatua sustatu nahi da. Azterketa- eta hausnarketa-prozesu honek Kosta kalea erabiltzen dutenek identifikatutako arazo nagusietan jartzen du arreta, eta eremu honetako mugikortasuna hobetzeko proiektuaren oinarri diren premisa nagusiei irtenbiderik onena ematen saiatzen da.

Zentzu honetan, joan den irailaren 23an, "Kosta Kalea Hobetzen" izeneko lehen ekitaldi parte-hartzailea garatu zen. Topaketan inguruko 55 bizilagunek parte hartu zuten, eta proiektuaren testuingurua, helburuak eta faseak aurkezteko helburua izan zuen. Era berean, ingurutik ibilaldi kritiko bat egin ondoren, topaketan parte hartu zutenek Kosta Kaleari eragiten dioten mugikortasun-arazoei buruz dituzten kezka nagusiak planteatzeko aukera izan zuten, baita irtenbide posibleak iradoki ere.

Aurkezpenean eta ondorengo ibilaldi kritikoan, bertaratutakoek eskualdeko mugikortasunari buruzko kezkak azaldu zituzten:

• Irisgarritasuna, espazio publikoa eta ekipamenduak
• Oinezko mugikortasunerako baldintza eskasak
• Bizikletaz mugitzeko baldintza eskasak
• Garraio publikoa
• Imotordunen gehiegizko abiadurak
• Bidegurutze arriskutsuak
• Autoari eskainitako espazioa eta zirkulazioaren noranzkoak
• Mendi-hegalaren ezegonkortasuna
• Baratzen zonaldea

Zonaldeko mugikortasun-arazoetarako irtenbide posibleak azaroaren 11n egin zen «kosta Kalea Hobetzen» Kodiseinu Tailerrean planteatu, aztertu eta eztabaidatu ziren.

Tailerrak lehen topaketako metodologia parte-hartzaile berari jarraitu zion, eta herritarren ikuspuntu desberdinak ezagutzeko balio izan zuen, baita planteatutako irtenbideen abantailak edo eragozpenak ezagutzeko ere.

Era berean, Kodiseinu Tailerrak Kosta kalea hobetzeko proposamenak egiteko abiapuntua izan zen.

Proposamen hauek, ondoren, Udalarekin bateratu ziren, mugikortasuna hobetzeko proposatzen diren neurriak aurreproiektu batean definituz.

Ezin duzu hurrengo "Kosta Kalea Hobetzen" topaketan parte hartu?

Ez da ezer gertatzen, ala eta guztiz ere, zure iritzia ezagutu nahi dugu. Bidal iezazkiguzu zure iradokizunak, kezkak edo gai hauetarako irtenbide posibleak.

Iradokizuna bidali

Neurri horiek zehaztu ondoren, aurreproiektuari buruz duzun ikuspegia ezagutu nahi dugu, eta, horregatik, hurrengo “Kosta Kalea Hobetzen” ekitaldian parte hartzera gonbidatzen zaitugu. Zure ahotsa entzun eta kontuan hartu nahi dugu.

Horregatik, Aurreproiektuaren Berrikuspenean parte hartzera animatzen zaitugu, inguruko beste auzokide batzuekin batera. Guztion artean, Kostako mugikortasun-eredu berriari forma emango diogu.

Kosta Kalea proiektuaren faseak