HMJP Hondarribia

Hondarribiko HMJP edo Hiri Mugikortasun Jasangarriaren Planak, hiriko mugikortasun arazoak konpontzeko esparrua mugatu eta ezartzen du, akzesibilitatea, segurtasuna, kutsadura ala erakargarritasuna bezalako gaiak erlazionatuz, biztanleriaren eta bisitarien bizi kalitateari mesede eginez.

HMJPak mugatzen duen esparruan oinarrituta, ikuspegi estrategikoa duten zenbait ekintza ezartzen dira eta hiriko behar zehatzak asetzeko beharrezkoak diren aldaketak definitzen dira. Ekintza plan honen bidez, hondorengo helburu zehatzak lortu nahi ditugu:

Pertsona guztien irisgarritasuna bermatzea

Garraioaren efizientzia eta eraginkortasuna areagotzea

Bide- eta herritar-segurtasuna hobetzea

Gas kutsatzaileen igorpena eta zaratak murriztea

Kontsumoa murriztea eta efizientzia energetikoa hobetzea

Haurtzaro eta gazteriaren autonomia handitu

Genero ikuspegia kontutan hartuta mugikortasuna egokitzea

Hiri-ingurunea erakargarriagoa egitea eta bizi-kalitatea hobetzea

Berdintasunezko Mugikortasun jasangarria

Mugikortasuna pertsona eta zama guztien lekualdatzeak barne hartzen ditu eta ez soilik trafikoa eta motordun ibilgailuak. Horregatik, mugikortasunak oinez, garraio kolektiboan nahiz bizikletan dabiltzan pertsonak kontuan izan behar ditu.

Jasangarritasuna, gizakien jardueraren ondorio sozioekonomiko zein ingurumenekoez arduratzen da. Mugikortasunaren eta jasangarritasunaren kontzeptuak konbinatzen baditugu, mugikortasun jasangarriaz hitz egin dezakegu, zeinak pertsonen eta zamen lekualdatzeei dagokienez, erronka sozioekonomiko eta ingurumeneko erronka ugariri aurre egiteko laguntzak bideak eskaintzen dituen, esparru globalean zein lokalean. Beraz, mugikortasun kultura berri batez mintzo gara.

Aldi berean, genero-ikuspegiak gizon eta emakumeen arteko eskubide-berdintasuna bermatu nahi du eta pertsona guztien eguneroko beharrak pentsatu. Gure hiria mugikortasun-eredu zehatz batekin pentsatua izan zen, ikuspuntu desberdinak kontuan izan gabe. Ezinbestekoa da, besteak beste, emakume, pertsona heldu, txiki eta gazteek, egunero, beren mugimenduak mugarazten dituzten (asko ez dira kalera ateratzen edo hainbat lekualdatze ekiditen dituzte) zenbait beldur eta ahultasun sentsazioak aintzat hartzea.

Ekintza estrategikoak

Hondarribiko HMJPak ezartzen dituen helburuetara iristeko, gure hirian mugikortasunaren kultua eraldatzeko diseinatutako hainbat ekintza garatzen ari dira, Hondarribiko bizilagun eta bisitarien bizi kalitatea hobetu nahian.