Mintzalaguna
Denok argi dugu, hizkuntza bat hitz egiten ez bada, ahaztu egiten da, galdu egiten da. Eta horixe gertatzen da euskararekin, zenbait arrazoi direla eta, erabiltzeari uzten diogu, ohitura eta konfiantza galtzen dugu, eta desagertu egiten da gure eguneroko eginkizunetan eta bizitzan.
Hori dela eta, eta euskararen erabilera eremu akademiko hutsetik kanpo ere erabil dadin sustatzeko, Mintzalaguna programa aurkezten dugu, eguneroko jardueren erabilera sustatzeko. Euskaraz hitz egin ohi duten pertsonak, euskaraz egin nahi duten pertsonekin elkartzen dituen programa da Mintzalaguna.
Mintza Poza
Euskara praktikatu nahi duen edonori dago zuzenduta Mintza Poza, edo non hitz egin ez dakienari, erdi ahazturik duenari... eta bai euskaraz hitz egin ohi duenari eta besteei praktikatzen lagundu nahi dienari ere. Lauzpabost pertsonako taldeak osatzen dira. Normalean, euskaraz hitz egin ohi duen pertsona bat eta praktikatu nahi duten beste hainbat egoten dira talde horietan. Hilero, jarduerak antolatzen dira (txangoak, tailerrak...), euskaraz ondo pasatzeko eta jendea ezagutzeko helburuarekin.
Noiz?
Astean ordubete, parte-hartzaileek proposatutako unean.
Zertarako?
Euskaraz hitz egiteko kafe bat hartu bitartean, paseatu bitartean, parkean ibili bitartean...
Informazioa
Euskara zerbitzua
Gurasolaguna
Ulertzen duzu euskaraz hitz egiten dutenean, baina ez duzu euskara erabiltzen. Edo agian seme-alabak dituzu eta nahi duzu haien bizitzako ingurune guztietan erabiltzea, seme-alaben eskolako gurasoekin, etxean, lanean. Gainera, hilero tailerrak, txangoak eta beste jarduera asko antolatzen dira, eta hala jende berria ezagutzen dugu, eta giro ezberdinetan euskaraz hitz egiteko aukera dugu.
Noiz?
Astean ordubete besterik ez duzu behar elkartzeko. Taberna edo kafetegi batean, parke batean eguzkitan, edo paseo bat ematen. Toki atseginak, egunerokoak aukeratu behar dira, euskaraz natural hitz egiteko. Ordua taldeko kideok aukeratzen duzue.
Zer egiten da?
5 pertsonako taldeak antolatzen dira. Haien artean lotura izan dezakete, nahiz ez izan, eta helburu bakarra euskara erabiltzea da; hartarako euskararen erabilera bideratzen duten eguneroko dinamikak erabiltzen dira.
Nola osatzen dira taldeak?
5 pertsonako taldeak osatzen dira. Batek hizkuntza meneratzen du edo hitz egiteko ohitura du, eta 4k erabili nahi dute. Hala inork ez du lotsarik izango, berdin dio zein den bere maila. Helburua ez da profil akademiko jakin bat lortzea, hizkuntzaren erabilera sendotzea baizik. Taldean kideak elkarren artean ezezagunak izan litezke, edo ikasleen guraso taldeak izan daitezke...
Izen ematea
Urriaren 3-tik 14ra
