Jarduketa faseak

Esku-hartzea errazteko helburuarekin, hirigintza eta kudeaketa aldetik konplexutasun ageria duen esku-hartzea izanik, bertako biztanleria egoiliarrarengan eta jarduera ekonomikoengan nabarmenki eragiten duena, baita Esparruan eskumena duten administrazio desberdinengan ere, “Mendeluko iparra” eta “Eskapatxulo” esparruetako hiri-berrikuntzako eskuhartzea hiru “jarduketa-fase” bereizitan garatzea proposatzen da:

A.I fasea “3.6 Eskapatxulo” esparruko ekonomia-jardueretako erabilerak berrantolatzea eta garapen berria gauzatzea, eta  Hondarribia eta Irun arteko bizikleta eta oinezkoen bidearen Amute/Zubimusu tartea gauzatzea.

A.II fasea “3.5 Mendeluko iparra” hirigintza-esparruaren gainerakoa berrantolatzea —GI-636 errepideak Mendelun duen betelan bidezko tartea ordezkatzea zubibide bidezko tarte batekin—, “Zubimusuko” glorieta eta “Mendelu / Amutalde” ardatza birmoldatzea eta eraisten diren eraikuntzak “Sauraenean” hutsik geratzen diren lurzoruetan berralojatzea.

B fasea “Mendeluko iparra” esparruko gainerako bizitegi-garapenen birgaitze integratua egitea edo horiek ordezkatzea —kasu horretan “Sauraenea”, “Planetak” eta “Mugondo” multzoetan berralojatuko dira eraitsitako eraikuntzak—.

A.I. Fasea. Eskapatxuloko antolamendua eta bizikleta/oinezkoen bidea.