Lorez apaindutako balkoien lehiaketa 2026

Hondarribian balkoiak lorez eta landarez apaintzeko ohitura sustatzeko, Udal honetako Kultura Sailak Lorez apaindutako balkoien lehiaketa antolatzen du ondoko baldintzen arabera: 

Partaidetza

Hondarribiko hiriguneko etxebizitzen jabe eta maizter guztiek parte ahal izango dute. 

Era berean, lorez eta landarez apaindutako ostalaritza nahiz merkataritza gremioek ere parte hartu ahal izango dute.

Parte hartzeko ez da izena eman beharko. Epaimahaia, urtean zehar, kalez kale ibiliko da eta bere iritzia emango du. Izen emandako balkoietako loreen kolore, apaintasun, itxura eta orijinaltasuna kontuan hartuko dira.

Sariak

Banatuko diren sariak (aurrekontuko 1 0206.481.06.338.00 2026 -9007  kodea-) hauek izango dira:

• 1. saria: Trofeoa eta  landareak  erosteko  250,00  €.
• 2. saria: Trofeoa eta landareak erosteko  200,00 €.
• 3. saria: Trofeoa eta landareak erosteko  150,00 €.
• Ostalaritza eta merkataritzako Sari Berezia: Trofeoa eta landareak erosteko 250,00 €.

Sari hauei P.F.G.Z.ri dagokiona  kenduko zaie.

Saria banaketa

 Sari banaketa aurtengo Jai Nagusietan izango da.

Oharrak

• Epaimahaiaren erabakia apelaezina izango da.
• Epaimahaiaren ustez saritzea merezi duen moduan apaindutako balkoirik ez balego saria eman gabe utzi ahal izango du.

Informazio gehiago