Donostia Kalea Hobetzen
Donostia kaleko eremua (Donostia Kalea, Baserritar Etorbidea eta Nestor Basterretxea Kaleaz osatzen dena) egokitzeko eta hobetzeko proiektuaren helburua mugikortasuna, segurtasuna eta irisgarritasuna pertsonen beharretara egokitzeko beharrezkoak diren esku-hartzeak identifikatzea eta diagnostikatzea da, haien baldintza fisikoak edo garraiobidea edozein direla ere.
Oinezkoen, txirrindularien eta ibilgailuen joan-etorri etengabea dela eta, agerian geratu da esku-hartze batzuk egin behar direla antzemandako kalte txikiak konpontzeko eta kalearen baldintzak egokitzeko, segurtasun eta erosotasun handiagoa eskaintzeko.
Proiektuaren helburuak
Antzemandako arazoen eta akats horiek konpon ditzaketen hobekuntzen azterketa xehatuaren ondorioz, zenbait premisa nagusi zehaztu dira, bizikleta- eta oinezko-ibilbideen irisgarritasuna eta erosotasuna hobetzeko beharrezkoak diren esku-hartzeak garatzeko eta bidean antzemandako kalteak konpontzeko. Horrela, proiektuak honako premisa hauek ditu abiapuntutzat:
Donostia kaleko kale zati batzuk egokitu eta hobetu nahi dira oinezkoentzako erosotasun- eta segurtasun-baldintza ezin hobeak eskaintzeko, hala nola espaloi zati berriak sortzea, bidegorri berriak jartzea edo kaleko zorupean kalteak eragiten ari den zuhaiztia ordezkatzea.
Donostia kalea eta Baserritar etorbidea erabat birgaituko dira, eta Nestor Basterretxea kalean, galtzada konpontzeko lanak egingo dira. Trafikoa baretzeko eta oinezkoen pasabideen segurtasuna bermatzeko, espaloi-zati batzuk igo eta oinezkoentzako pasabide goratuak eraikitzea erabaki da.
Aurreikusitako hobekuntzak eta esku-hartzeak
Antzemandako beharretan oinarrituta, hainbat esku-hartze definitu dira, hala nola espaloiak saneatzea eta hobetzea, oinezkoentzako pasabide handiagoak sortzea, bidegorri berriak sortzea, zorupea saneatzea eta zirkulazio-bidea egokitzea. Obrak hiru fasetan egingo dira:
1.Fase
Esku-hartzeen hasiera martxoaren 7an izango da, Donostia kaletik hasita. Esku-hartze hori maiatzaren amaierara arte luzatuko da
Udako geldialdia
Proiektuaren lehen fasearen ondoren, geldialdi bat egingo da udako hilabeteetan; bigarren fasearekin jarraitzeko abuztuaren amaieratik aurrera
2.Fase
Bigarren fase hau Nestor Basterretxea kaleari dagokio eta abuztuaren amaieratik urriaren erdialdera arte iraungo du
3.Fase
Baserritar Etorbideari dagokion fasea, urriaren erdialdean hasi eta urte amaierara arte luzatuko da
Espaloiak zabaltzea eta galtzada mantentzea
Donostia kaleko eremua oinezkoentzako erabilera eroso eta seguru batera egokitzeko, espaloi-zati batzuk egokitzeko eta Donostia kaleko egungo oinezkoentzako pasabideak aldatzeko erabakia hartu da, oinezkoentzako pasabide goratu batean bihurtuz. Horrela, ibilgailuen eta oinezkoen ikuspena hobetu nahi da, ingurune horretako segurtasuna areagotuz. Gainera, pasabide handiek abiadura murrizten dute, inguruko trafikoa baretu ahal izateko, ibilgailuaren abiadura puntu horiek zeharkatzeko egokitu behar baita.
Helburu berdinarekin, Nestor Basterretxea kalean, bidegurutzeak eta oinezkoen pasabideak egokituko dira, horiek altxatzeko eta oinezkoek erabiltzeko espazio publiko bat berreskuratzeko.
Era berean, Baserritar Etorbideko esku-hartzeak Talai Eskolako bihurgunean plataforma altxatzea aurreikusten du, oinezkoentzako ikuspen eta segurtasun ona bermatzeko, ibilgailuak puntu horretatik ibiltzeko behar den abiadura murrizten delako.
Bidegorriak Donostia kalean eta Baserritar etorbidean
Eremu horretan oinezkoentzako eta bizikletentzako erabilera sustatzeko premisari jarraituz, bidegorrien zati berriak sortuko dira Donostia kalean eta Baserritar etorbidean. Donostia kalearen kasuan, bidegorri bereizi berri bat sortzea proiektatu da, udalerriko beste bizikleta-bide batzuekin lotzeko, ikastetxeentzako ibilbide seguruak sortzeko. Gainera, bizikleta-bide horren eta Harresilanda kalerako proiektatutako bizikleta-bidearen arteko hurrengo lotura ere proiektatu da.
Esku-hartze horrek inguruko zuhaitzen zati bat kentzea dakar, bidegorri bereizia sortzeko eta ahalik eta aparkaleku gehien mantentzeko.
Baserritar etorbidean, berriz, bidegorri bereizi bat sortzea ezinezkoa denez, galtzadan sartzeko erabakia hartu da, bizikletaren erabiltzaileen eta ibilgailu motordunen arteko elkarbizitza-ingurune bat sortuz. Horretarako, bidearen abiadura 30 km/h-ra murriztuko da eta galtzadaren zabalera estutu egingo da bolardo babesleak ezarriz.
Galtzadaren eta zorupearen saneamendua
Gidariei zein oinezkoei ahalik eta erosotasun eta segurtasun handiena eskaintzeko, Donostia kaleko eta Baserritar Etorbideko galtzada guztiak egokitzeko erabakia hartu da. Horrela, bi kaleetan egiturazko birgaitze bat egingo da, egungo zorua kenduz, zagorra trinkotuz eta nibelatuz, errodadura-geruza berri bat zabaltzeko.
Birgaitze hori aprobetxatuz, zuhaitz-espezieen ordez hain bortitzak ez diren beste espezie batzuk jartzea aurreikusi da, egungo zuhaitzak lur azpian kalteak eragiten ari direlako, eta, ondorioz, kalea eta lurpeko hodien sistema hondatzen ari direlako.
Era berean, Nestor Basterretxea kalean, bidea fresatzeko eta egokitzeko lan bat egingo da, errodadura-geruza berri bat zabalduz, errepidean eta aparkalekuan dauden kalte txikiak hobetzeko.
Eskola ingurunea hobetzea Talaia Bordari eta Talaia Institutuan
Trafikoa baretzeko neurriak jarriko dira martxan, hala nola galtzadaren zabalera murriztea, espazio hori oinezkoek erabil dezaten, edo oinezkoentzako plataforma pasabideak jartzea eta oinezkoentzako S moduko plataforma bat sortzea erabaki da.
Talaia Bordari eta Talaia Institutu eskola-ingurunean oinezkoentzako plataforma bat sortuko da, oinezkoentzako ikuspen eta segurtasun egokia bermatzeko.
Mugikortasunaren gaineko eraginak
Donostia kaleko eremurako proiektatutako esku-hartzeen helburua espazio publikoen egoera eta egokitzapena hobetzea da, herritarrek ingurune horien erabilera eta gozamena errazteko. Baina ingurune horiek egokitzeko beharrezkoak diren esku-hartzeek aldi baterako eragozpenak ekarriko dituzte obrek dirauten bitartean.
Horrela, sakonera txikiagoko esku-hartzeek espaloi-tarte txikiak estutzea edo moztea eragin dezakete, eta sakonera handiagokoek (fresaketa eta zoladuraren berregokitzapena, esaterako), berriz, trafikoa unean-unean ixtea eta garaje eta finka partikularretara normaltasunez sartzea ostopatu dezakete. Era berean, zirkulazioa etenez gero, obrek dirauten bitartean ezin izango dira ibilgailuak garaje partikularretatik atera.
Esku-hartze hauek aldez aurretik jakinaraziko zaizkie ukitutako finken jabeei eta bizilagunei, eragozpenak minimizatzeko eta ordutegiak eta ibilbide alternatiboak egokitzeko behar besteko tartearekin informatzeko.
Nestor Basterretxea Kalea