Kanpainari atxikitako establezimendu batean egiten den 30 euroko edo gehiagoko erosketa bakoitzeko 10 euroko bonua sortuko da. Pertsonako gehienez 3 bonu sortu ahal izango dira. Erosleek baldintza hauek bete beharko dituzte:
- Hondarribian erroldatuta egotea.
- 2024ko abenduaren 16an 18 urte edo gehiago beteta izatea.
Bonuak sortzeko erosketak 2024ko abenduaren 16tik 2025eko urtarrilaren 6ra bitartean egin beharko dira (biak barne).
Eta erosketa horietatik lortutako bonuak kanpainari atxikitako edozein establezimendutan trukatuko dira, 2025eko martxoaren 1etik 31ra bitartean (biak barne).
Merkatarientzako informazioa
Kanpainan parte hartu nahi duten komertzioek abenduaren 16tik 23ra izena emateko aukera izango dute www.hondarribikobonoak.eus webgunean
Udaletik, dendariekin batera, kanpaina honetan denda mota gehiago sartu ahal izateko epigrafeak zabaltzeko lana egin dugu. Beste kanpainetan zenbait saltoki mota kanpoan geratzen ziren, eta orain gehiago hedatzea lortu dugu, onurak ahalik eta denda gehienetara heldu daitezen.
Sartzen direnak
- 64. multzoa. Establezimendu iraunkorretan egiten den jangaien, edarien eta tabakoaren txikizkako merkataritza.
- 65. multzoa. Establezimendu iraunkorretan eginiko elikagaiak ez diren industria-produktuen txikizkako merkataritza.
- 662. multzoa. Txikizkako merkataritza mistoa edo integratua.
- 971. Garbitegiak, tindategiak eta antzeko zerbitzuak.
- 972. Ile-apaindegiak eta edertasun-apaindegiak.
- 9731. Argazkigintza-zerbitzuak.
- 975. Markogintza-zerbitzuak.
- 979.9 multzoa. Beste zerbitzu pertsonal batzuk.
Kanpoan geratzen dira:
- 647. taldeko jarduerak, elikagaien eta edarien txikizkako merkataritza oro har, establezimenduek 400 metro koadrotik gorako salmenta-aretoa dutenean.
- 655 taldeko jarduerak (Erregaien, erregaien eta lubrifikatzaileen txikizkako merkataritza).
- 646. taldeko jarduerak, tabako-laboreen eta erretzaileentzako gaien txikizkako merkataritza.
