Hondarribia - Itsas Herria
Programa 2026
Hondarribia eta itsasoa: harreman banaezina, ezin baita Hondarribia ulertu Kantauri itsasoa gabe. Ezin da ulertu gaurko Hondarribia itsasoarekin duen historiarik gabe.
Itsasoak Jaizkibel mendiko itsaslabarrak bustitzen ditu, eta Higer itsasargia Kantauriko kostaldeko ekialdekoena da. Hainbat hamarkadatan itsasoa eta arrantza izan dira familia hondarribitarren bizimodu nagusia. Itsasotik sortzen dira Hondarribian hainbeste zaletasun duten traineru estropadak. Itsasoari eskainitako abestiak. Duela hamarkada batzuetatik iraun duten tradizioak, hala nola Santiago Eguneko Kutxa Entrega. Historia, tradizioa eta kultura. Hondarribiak itsasoarekin duen harremana aldatu egin da denborak aurrera egin ahala, baina gaur egun ere Hondarribia harro dago itsasoarekin duen harremanaz.
Hondarribia Itsas Herria hiriko itsas ondareari balioa emateko hitzordua da, hainbat elementuren bidez: itsasontziak, arrantzaleak, saregileak, itsasargiak, musika...
Hondarribiak itsasoarekin duen harremanaren garrantzia eta balioa transmititzen jarraitzeko publiko orori zuzendutako hainbat jardueraz osatutako ekitaldia.
Ekitaldiak
2026-05-06 19:00
“Los cayucos de Kayar” dokumentala
Ondoren, Hondarribiko Senegaldar arrantzaleekin mahaingurua.
Itsas Etxea Auditoriuma.
2026-05-07 19:30
Itsas Etxea Auditoriuma.
2026-05-08 9:00 / 11:00
Arrantzaleen Kofradiaren bentara bisita gidatua
Done Pedro Kofradiaren Benta.
Gabarraren azken uhera | 2026
“Gabarraren azken uhera” dokumentalak Hondarribiako itsas memoria berreskuratzen du, herriko azken gabarraren historiaren bidez. Lanak Bidasoa ibaiari, gabarrarien lanari eta dagoeneko desagertutako bizimodu bati lotutako ontzi baten balioa azpimarratzen du. Ikur horren bitartez, dokumentalak tokiko ondarea zaintzearen eta herriaren nortasunaren parte diren istorioak transmititzearen garrantziaz hausnartzera gonbidatzen du.
Maddi Aginagalde eta Markos Sodupek sortutako “Gabarraren azken uhera” dokumentala joan den maiatzaren 7an estreinatu zen, Hondarribia Itsas Herria 2026 jaialdiaren baitan.
Beti Mesias | Egun bat itxasoan | 1985
Lander Etxedonak egindako dokumentala Hondarribia - Itsas Herria jardunaldietan aurkeztu zuten, maiatzaren 15etik 17ra Hondarribian ospatu den itsas ondareari buruzko II. jardunaldietan. Hondarribia eta itsasoa: Ezin da Hondarribia ulertu Kantauri Itsasoa gabe. Horrela, Hondarribia - Itsas Herria jardunaldiek Hondarribiko itsas ondarearen balioa eta garrantzia gogoratzeaz gain, gure hiriaren itsas nortasuna indartzeko balio dute.
