Euskara Mahaia
Martxoko Udalbatzan gure herrian Euskara Sustatzeko Plan Estrategikoa onartu zen (2023-2027), eta Plana aurrera eramateko egindako partaidetza prozesuan jaso zen herri mailako Euskara Mahaia sortzea ezinbestekoa zela, planean jasotzen diren asmoak aurrera eramateko.
Euskara Mahaiaren helburua gure herrian euskarak duen erabileran eragitea da, elkarlanaren bidez, herriko lau eremutan, hala nola ostalaritza – merkatariak alde batetik, aisialdia eta kirol espazioetan bestetik, hezkuntza komunitatean hirugarrenik eta herritarrengan osotasunean azkenik.
Euskararen Mahaian herriko eragileen ordezkariek parte hartzen dute (ikastetxe, euskara elkarte, kirol talde, merkatari, ostalaritza, herri eragile, enpresak..) eta baita ere norbanakoek, urtean hiru bilera izango dituela aurreikusiz
Hori dela eta, azaroaren 12an Udal Aretoan burutuko dugun bigarren Euskara Mahaira gonbidatu nahi zaitugu.
Bileran landu beharreko gaiak
- Urte honetan lau eremuetan egindako ekintzak azaldu.
- Udalean onartutako hizkuntza irizpide berrien berri eman (dirulaguntzetan eragingo dutenak).
- Lehenetsitako hurrengo ekintzak azaldu:
- Aisialdi eta kirol elkarteak
- Ostalaritza – merkatariak
- Herritarrak
- Hezkuntza komunitatea