Edukira joan
Mostrar/ocultar menú principal de navegación [eu]

Hondarribia

Habiaratutako portletak
Web edukia bistaratu

Zalantzak. Galderak eta erantzunak

COVID-19aren pandemiak eragindako krisian zehar udal zerbitzuak zabaldu egin dira, herritarrei ahalik eta eragin txikiena sortzeko moduan.

Nahiz eta ez dugun gure bulegoetan aurrez aurreko zerbitzurik, zure esku ohikoenak diren tramiteetarako lotura eta zerbitzu guztiekin harremanetan jartzeko telefono zenbakiak jartzen ditugu.

Web edukia bistaratu

#Hondarribia ez da gelditzen

emakumeen aurkako indarkeriari ez
 
900 840 111
016
UDALTZAINGOA
Deporte en casa
943 11 13 13
BAZ
Deporte en casa
943 11 12 11
GIZARTE ZERBITZUAK
Icono telefono
943 11 12 91
ONLINE TRAMITEAK
Icono web
Web edukia bistaratu

faq

Azken eguneratzea: 2022-01-05

Urtarrilaren 5etik indarrean dauden neurri nagusiak

  • Maskara erabiltzeko derrigortasuna. . Erabilera publikoko edozein espazio itxitan eta kanpoaldean. Ez da eskatuko kanpoan banakako kirola egiten den bitartean, ezta naturguneetan ere; nolanahi ere, 1,5 metroko gutxieneko distantzia mantenduko da elkarrekin bizi ez diren pertsonen artean.
  • Ordutegiak. Kultura-, gizarte- eta merkataritza-jarduerak etetea eta bai eta ostalaritza- eta jatetxe-establezimenduak ixtea ere, 01:00etan. Garraio publikoek gehienez 02:00etan irten beharko dute. 2022ko urtarrilaren 1ean eta 6an, merkataritza-, ostalaritza- eta jatetxe-establezimenduak ezin izango dira 08:00ak baino lehen ireki jendearentzat
  • Edukierak. 2022ko urtarrilaren 28ra arte, edukiera %60koa mota guztietako establezimenduetan eta barne-eremuetan.
  • Publikoa ekitaldietan. Gehienez 600 pertsona barruan eta 800 kanpoaldeetan. 1.600 eta 5.000 arteko esparruetan, 800 barruan eta 1.200 kanpoan. 5.000 baino gehiagoko esparruetan, gehieneko edukiera %50ekoa izango da, ezertan galarazi gabe estatu osorako ezarritako beste muga bat aplikatu behar izatea
  • Ostalaritza eta gaueko aisia. Itxiera 01:00etan. Debekatuta dago zutik kontsumitzea. Mahai bakoitzean, gehienez 10 pertsona. Mahaien arteko distantzia: 1,5 m. Nahitaezkoa da maskara erabiltzea, irensteko unean izan ezik.
  • Txokoak. Itxiera 01:00etan. Debekatuta zutik kontsumitzea. Mahai bakoitzean, gehienez 10 pertsona. Mahaien arteko distantzia: 1,5 m. Nahitaezkoa maskara erabiltzea, irensteko unean izan ezik.
  • Gazteen lonjak eta lokalak. Itxiera 01:00etan. Debekatuta dago zutik kontsumitzea. Mahai bakoitzean, gehienez 10 pertsona. Mahaien arteko distantzia: 1,5 m. Nahitaezkoa maskara erabiltzea, irensten denean izan ezik.
  • Kirola. Barneko instalazioetan, gehienez 10eko taldeak. Aldagelak %50ean erabili ahal izango dira.
  • Covid ziurtagiria. Nahitaez aurkeztu behar da kultura-ekitaldietan, ostalaritzan, jatetxeetan edo gaueko aisialdiko establezimenduetan, kirol-instalazioetan eta ospitaleetan, zentro soziosanitarioetan eta espetxeetan.
  • Prebentzio-jarrerak
    • Gabonetako bazkarietan eta afarietan, gehienez hamar pertsona eta bi familia-unitate
    • Barrualdeak etengabe aireztatzea.
    • Pertsonen arteko distantzia.
    • Eskuen eta gainazalen higienea.
    • Jende pilaketak saihestea.
    • Txertaketan parte hartzea.

Prebentzio-neurri espezifikoei buruz

Informazio orokorra

EAEko egungo egoera pandemikoak erakusten du kutsatze kopuruak oso azkar gora egin duela, eta horrek laguntza-zerbitzuak tenkatzea eragiten du. 2021eko abenduaren 26an, Osasun Publikoaren eta Adikzioen Zuzendaritzak emandako datuen arabera, 14 egunetan metatutako eragin-tasa 2.076,68 kasukoa izan zen 100.000 biztanleko; ugaltze-indizea (Rt) 1,49koa; 381 pertsona plantan eta 110 pertsona ZIUn; halaber, 30 pertsona hil dira Covidaren ondorioz azken astean. Hori guztia kontuan izanda, komeni da ekainaren 24ko 2/2021 Legean, COVID-19aren pandemia kudeatzeko neurriei buruzkoan, jasotako prebentzio-neurri berriak hartzea.

  • 2022ko urtarrilaren 28ra arte, beranduenera 01:00ean itxiko dira merkataritza-, gizarte- eta kultura-jarduera guztiak, bai eta ostalaritza- eta jatetxe-establezimendu eta antzekoak ere. Beren jarduerarako arauz ezarritakoaren arabera lehenago itxi behar duten establezimenduak eta tokiak dagokien araudian ezarritako orduan itxiko dira.
    Lurralde historikoak baino eremu txikiagoko garraio publikoei abiatzeko azken ordu hau ezarriko zaie: 02:00.
  • Oro har, 2022ko urtarrilaren 28ra arte, % 60ko edukiera-muga ezartzen da mota guztietako establezimendu eta barrualdeko esparruetan.
  • Gainera, ekitaldien esparruan, aldi bererako honako edukiera-muga hauek ezartzen dira:
    • Gizarte-, kultura- edo kirol-ekitaldietarako esparruetan, gehienez ere 600 pertsona bildu ahal izango dira barrualdean, eta 800 kanpoaldean.
    • 1.600 eta 5.000 pertsona arteko edukiera duten esparruetan, gehieneko kopurua 800 pertsonakoa da barrualdean, eta 1.200 pertsonakoa kanpoaldean.
    • 5.000 pertsonatik gorako edukiera duten esparruetan, gehieneko aforoa % 50ekoa izango da; horrek ezertan galarazi gabe estatu osorako ezarritako beste muga bat aplikatu behar izatea.
  • Ostalaritza- eta jatetxe-establezimenduetan, diskoteketan eta gaueko aisialdiko gainerako establezimenduetan, debekatu egiten da zutik kontsumitzea, eta mahai bakoitzeko edo mahai-multzo bakoitzeko bezero-taldeak gehienez ere 10 lagunera mugatzen dira, bai barrualdean bai terrazetan. Era berean, mahaien edo mahaimultzoen arteko distantzia gutxienez 1,5 metrokoa izango da.
    Ostalaritza-establezimenduei aplikatzen zaien araubide bera aplikatuko zaie txokoei, gazte-lokalei edo elkarte gastronomikoei.
  • Aldi bererako, hau zehazten da: barruko instalazioetako kirol-jarduera 10 pertsona arteko taldeetan egituratu beharko da; aldagelen erabilera % 50eko okupaziora mugatuko da; eta dutxak banaka erabiliko dira, edo pertsonen artean bi metroko distantzia gorde beharko da.
  • 2022ko urtarrilaren 1ean eta 6an, merkataritza-establezimendu guztiak eta ostalaritza- eta jatetxe-establezimendu eta -zerbitzu guztiak ezin izango dira 08:00ak baino lehen ireki jendearentzat.
    Muga horretatik salbuetsita daude gasolindegiak, zerbitzuguneak eta farmaziak, bai eta hoteletako eta bestelako ostatuetako gosari-zerbitzua ere.

Bai. Gainera, herritarrei gomendatzen zaie 2021eko abenduaren 31tik 2022ko urtarrilaren 1era bitartean eta 2022ko urtarrilaren 5etik 6ra bitartean Gabonetako bazkariak eta afariak egiteko familia-topaketak hamar pertsonako kopurua gainditu gabe egitea eta gehienez bi familia-unitate biltzea.
Era berean, gomendagarria da ospakizunetan familia-unitateen osaera ez aldatzea, eta, nolanahi ere, arreta eta kontu berezia izatea Covid-19arekiko kalteberatasun-egoeran dauden pertsonekin.

Neurri berriak Euskal Herriko Agintaritzaren Aldizkarian argitaratzen diren unetik aurrera aplikatuko dira; hau da, 2021eko abenduaren 29ko 00:00etatik aurrera.

Dekretuan aurreikusitako neurriak 2022ko urtarrilaren 28ra arte aplikatuko dira. Egoera epidemiologikoaren jarraipena eta ebaluazioa egingo da, eta neurri horiek luzatu, aldatu edo ondoriorik gabe utzi ahal izango dira.

Prebentzio-neurri espezifikoak – araua betetzea

Lokalaren, establezimenduaren, jardueraren edo ekitaldiaren arduradunak, edo, halakorik ezean, bertako arduradunak edo langileek ziurtatu beharko dute osasunaraudi espezifikoa betetzen dela: aforoa, ordutegia, eserita kontsumitzea, etab.
Ikusteko moduko lekuan ipini beharko dute establezimenduaren aforoa, eta baliabide fisikoak eta/edo giza baliabideak jarri beharko dituzte, Dekretuak adierazten duen aforomuga errespetatzeko.

Udaltzaingoak edo Ertzaintzak ikuskapenak egin ahal izango dizkie establezimendu horiei, agindu hori betetzen dela egiaztatzeko.

Hemen ezarritako zehapenak jarriko dira: COVID-19ak eragindako osasun-krisiari aurre egiteko prebentzioko, eusteko eta koordinazioko premiazko neurriei buruzko martxoaren 29ko 2/2021 Legearen VII. kapituluan, Osasun Publikoari buruzko urriaren 4ko 33/2011 Lege Orokorraren VI. tituluan eta Euskadiko Antolamendu Sanitarioaren ekainaren 26ko 8/1997 Legearen 35. artikulutik 39.era bitartekoetan, baita COVID19aren pandemia kudeatzeko neurriei buruzko ekainaren 24ko 2/2021 Legearen VI. Tituluan.
Establezimenduaren, ekitaldiaren edo jardueraren titularra edo erakundea izango da arduraduna.

Neurri berriak aplikatzea

Ez, beren jarduerarako ixteko ordu orokorra lehenagokoa duten establezimenduek eta tokiek beren araudian ezarritako orduan ixten jarraituko dute.

Neurria betetzen dela ziurtatu beharko da, erreserba kopurua murriztuta, baimendutako gehieneko aforora iritsi arte.

Bai, ostalaritza-establezimenduei aplikatzen zaien araubide bera aplikatzen zaie txokoei, gazte-lonjei edo elkarte gastronomikoei. Hau da, 1:00etan ixtea eta gehienez % 60ko aforoa izatea. Gehienez ere 10 jankide mahaiko eta 1,5 metroko distantzia mahaien artean.

Euskal Autonomia Erkidegora datorren bidaiari gisa, erreserba bertan behera utzi baduzu eta helmugari eutsi nahi badiozu, beste erreserba bat izan beharko duzu.

Ez, gehienez 10 jokalariko talde egonkorrak antolatu beharko dira prebentzio-neurri berriak aplikatzen amaitu arte. Era berean, aldagelak edo dutxak erabiltzen badituzte, sarrera eta irteera eskalatu beharko dira, behar izanez gero, okupazioaren % 50etik gorakoa ez izateko eta dutxak banaka erabiltzen direla edo pertsonen artean bi metroko distantzia mantentzen dela ziurtatzeko.

Kirol federatuari ez dio eragiten 51/2021 DEKRETUAk, abenduaren 28koa, lehendakariarena, eranskina, 5. puntua.

Hizkuntza-akademiak, arautuak izan edo ez, hezkuntza-testuinguruan kokatu eta asimilatu behar dira maila guztietan (unibertsitatean eta unibertsitatez kanpo), eta, beraz, % 60ko edukiera-mugaren aplikazio orokorretik kanpo geratzen dira. Hezkuntzaesparruak prebentzio-neurrien protokolo propioa du.

EBko COVID ziurtagiri digitalari buruz

EBko COVID Ziurtagiri Digitala QR irakurketa duen dokumentu bat da, Europar Batasunaren barruan herritarren zirkulazio segurua errazten duena COVID-19aren pandemiaren garaian.

Dokumentu hori Europar Batasunaren barruan bidaiatzea errazteko ezarri zen. Ziurtagiri hori duen bidaiariari kontrolak arinduko zaizkio, eta ez duenari, berriz, herrialde bakoitzeko agintariek ezarritako bestelako kontrolak egingo zaizkio eta dagokion informazioa aurkeztu beharko du.

Gainera, abenduaren 4az geroztik, gaitu egin da Euskadi COVID Ziurtagiri Digitala eskatzeko, nahitaezkoa izan dadin gaueko aisiako establezimenduetan eta jatetxeetan sartzeko.

Hiru ziurtagiri-mota daude, eta hiru pertsona-motari zuzenduta daude:

  • Txertaketa-ziurtagiria
    Dosi 1 edo 2rekin txertatutako pertsonei
    Oharra: atzerrian dosi bakarrarekin edo bi dosirekin txertatuak beren osasunzentroan erregistratu beharko dira aurretik, txertatuta daudela ziurtatzen duen agiriarekin
  • Errekuperazio-ziurtagiria
    Gaixotasuna pasatu dutenak 11-180 egunetako tartean PCR positiboa izan ondoren.
  • Proba negatiboaren ziurtagiria
    Diagnostiko-proba negatiboa dutenak 48 ordu lehenago antigeno-proban eta 72 ordu lehenago PCR proban.

EBko COVID Ziurtagiri Digitala bi modutara lor daiteke, modu digitalean edo presentzialean.

Informazio zehatza esteka honetan: https://www.euskadi.eus/certificado-coviddigital-ue/web01-a3korona/es/

  • Txertaketa-ziurtagiria: Urte bat, azken dosiaren datatik hasita.
  • Errekuperazio-ziurtagiria: 6 hilabete.
  • Diagnostiko-proba negatiboaren ziurtagiria:
    • Antigeno-probarekin (TAR): 48 ordu
    • PCR probarekin: 72 ordu

Bi aukera daude establezimendu horietan dokumentazioa aurkezteko:

  • Covid-19aren proba negatiboaren ziurtagiria: PCR bat edo antigenoen testa egin duzuela eta emaitza negatiboa izan dela egiaztatzen duen agiria da. Hartan, proba zer egunetan eta ordutan egin duzun, proba zer zentrotan egin duzun eta emaitza agertuko dira.
  • Errekuperazio-ziurtagiria: ziurtagiri horrek Covid-a pasatu duzula egiaztatzen du. Hartan, Covid-en emaitza positiboa zer egunetan izan zenuen ageri da, kontuan hartuta orduan zeundela kutsatuta, bai eta birusa gainditu duzula egiaztatzen duen ziurtagiriaren igorlea eta datak ere.

Haurren txertoa jaso ez duten 12 urtetik beherakoek COVID ziurtagiria aurkezteko eskakizunaren salbuespena 3 hilabetez luzatuko zaie hamabigarren urtebetetze-egunetik, helduen txertoa eman arte behar duten denbora gaitzeko.

EBko COVID Ziurtagiri Digitalaren eskakizuna EAEn

Osasuneko Sailburuaren azaroaren 17ko Aginduaren eta Lehendakariaren abenduaren 14ko Dekretuaren arabera, Covid Ziurtagiri Digitala honako kasu hauetan exiji daiteke:

  • Publikoari aisia- eta dantza-jarduerak eskaintzeko establezimenduetan, besteak beste, kontzertu-areto, erabilera anitzeko areto, diskoteka, dantza-areto, ikuskizunak ematen dituzten jai-areto, musika-taberna, karaoke eta otsailaren 5eko 17/2019 Dekretuaren arabera III. eta IV. taldeetan sartzen diren guztietan.
  • Ostalaritza-establezimendu eta jatetxeetan, oturuntza-aretoak barne, dantza egiteko aukera ematen duten jarduerak egiten direnean, bertaratuen kopurua zeinahi dela ere.
  • Kiroldegi, gimnasio eta jarduera fisikoa eta/edo kirola egiteko bestelako barneespazioetan, izan kirolarientzat, laguntzaileentzat nahiz publikoarentzat.
  • Kirol-instalazio itxietan, hala nola estadio, frontoi eta antzekoetan, sarrera kontrolatzeko sistema batekin (tiketak, abonamenduak, gonbidapenak eta antzekoak) eta 100 pertsona baino gehiago bertaratuta lehiaketak egiten direnean.
  • Eta ospitale eta zentro soziosanitarioetan, bai eta espetxeetan ere: ospitaleratutako pazienteak edo egoiliarrak bisitatzen dituzten pertsonak.

*Lehendakariaren Dekretuan ageri diren espazioetan, EAEn intzidentzia-tasa metatua 14 egunean 100.000 biztanleko 300 kasukoa edo gehiagokoa den bitartean, aipatutako establezimendu, ekitaldi, jarduera eta lekuetan sartzeko eta barruan egoteko, establezimenduko arduradunek kontrolatu beharko dute erabiltzaileak Europar Batasuneko Covid Ziurtagiri Digitala (QR) duela, paperean edo euskarri digitalean.

*Eskakizun hori ez da beharrezkoa izango 12 urtetik beherakoak sailkapenaren arabera sarbidea mugatuta ez duten establezimendu, ekitaldi, jarduera eta lekuetan sartzeko. Bestalde, ez zaie exijituko lokal horietako langileei, lokal horietara lan egitera sartzen direnean.

Establezimenduetako titularrak, bai zuzenean bai bere enplegatuen bidez. Agintaritzako agenteek ere exijitu ahalko dute.

Establezimendura sartzean zein barruan gauden edozein unetan, baldin eta establezimenduko titularrek, haien enplegatuek edo agintaritzako agenteek (Ertzaintza edo Udaltzaingoa) eskatzen badute.

Zenbait aukera daude: PDF formatuko dokumentu digitala, terminal mugikor batean edo beste gailu batean kokatutako QR kode batekin, edo paperean, beharrezkoa izanez gero.

Pertsona horiek, dekretuak arautzen dituen eremuetara sartzeko, txertaketa-ziurtagiria aurkeztu beharko dute, pasaportearekin edo haien identitatea egiaztatzen duen Erkidegoz kanpoko herrialdeko egoitza-txartelarekin batera.

Ez. Zenbait aplikazio daude martxan Europako zenbait herrialdetan eta haiek baliagarriak izan litezke. Aplikazio horiek une oro bete beharko dute Estatuan eta Europan datuak babesteko arloan dagoen legeria.

Covid ziurtagiria exijituko da establezimenduan kontsumituko bada, ez produkturen bat erosteko edo eramateko jatekoa edo edatekoa erosteko kasuan.

Ez, uler daiteke nekazaritza-turismoko establezimendu bat hotel-establezimendu baten parekoa dela, nolabait, eta, beraz, ez litzateke beharrezkoa izango Europar Batasunaren Covid Ziurtagiri Digitala (QR) eskatzea.

Egungo araudiak ez du halakorik aurreikusten.

Ziurtagiria kontsumitzeko aukera ematen duen establezimendu bakoitzak eskatuko du, dastatzeko guneak komunak izan ala ez. Ostalaritzako establezimenduak eskatuko du, gainerako ostalaritzako lokalen baldintza beretan.

Bai. Dekretuak dakarrenez, honako hauetan exijitu beharko da: kontzertu-areto eta erabilera anitzeko aretoetan edo gaitutako espazio itxietan, kontzertuak, musikajaialdiak eta beste kultura- eta arte-ekitaldi batzuk egiten direnean.

Zinemak, antzokiak eta museoak kultura-gertakarien leku izaten diren espazio itxiak dira. Horrenbestez, espazio horietan bai exijitu beharko da. Sareko antzokiak ere sartzen dira, hala nola bertso-saio bat, kontzertu bat edo ume edo helduentzako antzezlan bat.

Sarrerak aurretiazko salmentaren bidez erosi dituztenek Covid Ziurtagiria aurkeztu ahalko dute ikuskizunaren unean. Ziurtagirietako edozein aurkeztu ahalko dute: txertaketa-ziurtagiria, errekuperazio-ziurtagiria edo proba negatiboaren ziurtagiria (48 ordu lehenago antigenoen proban eta 72 ordu lehenago PCR proban).

Ez da nahitaezkoa izango elizetan eta gurtza-lekuetan erlijiozko jardukizunean daudenean. Leku itxi horietan araudian ezartzen den jardueraren bat egiten bada, orduan bai.

Bai, kulturale espazioak diren heinean. Ez zaie eskatu beharko liburutegietara liburua hartzera joaten direnei, ezta liburutegia bera lan-eremutzat dutenei ere (adibidez, ikertzaileak).

Jendearentzat zabalik dagoen jarduera bada soilik. Ez da beharrezkoa izango hura prestatzeko, esaterako entseguetarako; izan ere, une horretan aretoan langileak baino ez daudela ulertzen da.

Bai, betiere kontzertu-aretoetan eta erabilera anitzeko aretoetan edo gaitutako beste espazio itxi batzuetan egiten badira.

Bai, lokal horien sarreran Covid ziurtagiria aurkezteko exijitu behar da, eta, pedagogia eta erantzukizun sozialagatik, egoera epidemiologikoa eta osasun-egoera kontuan hartuta, mota horretako ekitaldiak atzeratu edo bertan behera utzi beharko lirateke.

Entrenamendua 12 urtetik gorakoek egiten badute eta espazio itxian bada, bai.

COVID ziurtagiria ez zaie eskatuko ikasleei eta irakasleei, baldin eta ikastetxeek udalinstalazioak (kiroldegiak, liburutegia) erabiltzen badituzte eskola-orduetan irakasteko. Jarduera horiek, nahitaez, COVID-19aren aurkako prebentzio-neurrien protokoloaren arabera egin beharko dira EAEko ikastetxeetan 2021/22 ikasturterako.

Kirol-erakunde batekin lan-kontratua duten kirolariak, entrenatzaileak eta talde teknikoetako bestelako kideak entrenatzen edo partidak jokatzen ari direnean, lanean dihardutela ulertzen da, edozein dela euren kokapena. Beraz, ez dago pertsona hauei COVID ziurtagiria eskatzeko beharrik kirol-instalazioetara sar daitezen.

Ziurtagiri digitala - araua betetzea

Establezimenduaren titularrek, hasteko, ziurtagiria aurkezten ez duen pertsonari lokalean sartzea galarazi beharko diote; erabiltzaileak sartzeko debekua betetzen ez badu, jabeak Udaltzaingora/Ertzaintzara deitu ahalko du.

Udaltzaingoak edo Ertzaintzak ikuskapenak egin ahalko ditu establezimendu horietara, agindu hori betetzen ari dela egiaztatzeko.

Honako hauetan ezarritakoak: martxoaren 29ko 2/2021 Legearen (COVID-19k eragindako osasun-krisiari aurre egiteko prebentzio-, euste- eta koordinazio-neurri urgenteei buruzkoa) VII. kapitulua; Osasun Publikoari buruzko Lege Orokorraren (urriaren 4ko 33/2011 Legea) VI. titulua, eta Euskadiko Antolamendu Sanitarioaren Legearen (ekainaren 26ko 8/1997 Legea) 35. artikulutik 39. artikulura bitartekoak, bai eta COVID-19aren Pandemia Kudeatzeko Neurriei buruzko Legearen (ekainaren 24ko 2/2021 Legea) VI. titulua ere

Establezimenduaren, ekitaldiaren, jardueraren edo lekuaren titularra izango da erantzulea, salbu eta, erakusteko eskatu ondoren, eta pertsonak eskaerari kasurik egin ez diolako, arduradunak bertaratzeko eskatu ondoren bertaratutako agintaritzako agenteek identifikatzen dutenean.

Pertsona hori osasun publikoaren aurkako delitua eta/edo agiri-faltsutasunagatiko delitua egiten ariko da. Honako hauetan ezarritakoari jarraikiz: martxoaren 29ko 2/2021 Legearen (COVID-19k eragindako osasun-krisiari aurre egiteko prebentzio-, euste- eta koordinazio-neurri urgenteei buruzkoa) VII. kapitulua; Osasun Publikoari buruzko Lege Orokorraren (urriaren 4ko 33/2011 Legea) VI. titulua, eta Euskadiko Antolamendu Sanitarioaren Legearen (ekainaren 26ko 8/1997 Legea) 35. artikulutik 39. artikulura bitartekoak, bai eta COVID-19aren Pandemia Kudeatzeko Neurriei buruzko Legearen (ekainaren 24ko 2/2021 Legea) VI. titulua ere, edo, hala badagokio, Zigor Kodeko XVIII. tituluko agiri-faltsutasunagatiko delitua betetzeagatik ezarritakoak.

Maskara erabiltzeari buruz

Maskara nahitaez erabili beharko dute sei urtetik gorako pertsonek erabilera publikoko edozein espazio itxitan edo jendearentzat irekita dagoen edozein espaziotan.

Aire zabaleko espazioetan nahitaezkoa izango da maskara erabiltzea, baldin eta pertsonen artean betiere 1,5 metroko gutxieneko distantzia mantentzea ezinezkoa bada, bizikideen taldeen kasuan izan ezik. Ondorioz, maskara nahitaez erabili behar da hiri-eremu guztietan.

Maskara erabiltzea salbuetsita dago naturaguneetan, baldin eta bizikide ez diren beste pertsona batzuekin pilaketarik edo elkartzerik gertatzen ez bada.

Era berean, aplikatzekoak izango dira maskarak ez erabiltzeko arrazoiak eta kasuak, betiere 13/2021 Errege Lege Dekretuaren lehenengo artikuluak aldarazitako 2/2021 Legearen 6. artikuluan legez aurreikusitako eran. Kasu horietan, norbaiti eskatzen zaionean egiaztatu dezala maskara erabiltzetik salbuetsita dagoela, desgaitasun- edo mendekotasun-maila adierazten duen agiri baten bidez dokumentatu beharko du egoera hori, edo, bestela, horretarako egindako mediku-ziurtagiri baten bidez.

2. neurria, Osasuneko sailburuaren 2021eko urriaren 6ko Aginduaren eranskinekoa.

Bai. Ostalaritzako eta jatetxeetako establezimendu eta zerbitzuetan, janariak edo edariak hartzeko unean soilik salbuesten da maskara erabiltzeko betebeharra. Bestela, uneoro erabili behar da, bai barnealdeetan, bai terrazetan.

Lehen esan bezala, maskararen derrigorrezko erabilera honako leku hauetan aplikatzen den neurri bat da: joko-establezimenduak, txokoak eta elkarte gastronomikoak, lonjak, gazte-lokalak eta antzekoak, eta diskotekak eta gaueko aisia-establezimenduak.

2. neurria, Osasuneko sailburuaren 2021eko urriaren 6ko Aginduaren eranskinekoa

Edozein kirol-jarduera egiten denean, kasu hauetan salbuesten da maskararen erabilera: naturaguneetan, igerilekuetan (igeri egitean), taldeen arteko kirol-lehiaketetan (entrenamenduak barne) eta kanpoaldeko intentsitate handiko jarduera fisikoetan (aparteko uneetan).

Gainerako kirol-jardueretan (makina-aretoak, jarduera programatuak, ikastaroak eta abar) derrigorrezkoa da maskara erabiltzea jarduerak esparru itxietan egiten direnean (kiroldegiak edo gimnasioak).

2. neurria, Osasuneko sailburuaren 2021eko urriaren 6ko Aginduaren eranskinekoa.

Derrigorrezkoa eta ezinbestekoa da 6 urtetik gorakoek maskara erabiltzea bidaiarientzako edozein garraiobide erabiltzen denean, bidaia hasten denetik amaitzen den arte, salbuespen legalen kasuan izan ezik. Ez da derrigorrezkoa izango garraio pribatuan maskara erabiltzea bidaiariak etxebizitza berean bizi badira. Garraioko profesionalak jantzita eraman beharko du maskara zerbitzuak irauten duen bitartean, baldin eta bere lan-espazioa ez badago bidaiari-leku propio edo babes-manpara batez banatuta publikoarengandik.

2. neurria, Osasuneko sailburuaren 2021eko urriaren 6ko Aginduaren eranskinekoa.

Erantzukizun sanitarioko neurriei buruz

Maskara erabiltzeaz gain, barnealdeak etengabe aireztatu behar dira, eta pertsonen arteko distantzia mantendu eta eskuak garbitu. Jende-pilaketak saihestu behar dira, eta txertaketan parte hartu, kontaktuen jarraipenean lagundu eta berrogeialdiak eta isolamenduak bete.

Informazio gehiago: https://www.euskadi.eus/como-actuo/web01-a2korona/es/

1. neurria, Osasuneko sailburuaren 2021eko urriaren 6ko Aginduaren eranskinekoa.

Bai. Kutsatutako pertsonak eta haiekin kontaktua izan dutenak behartuta daude Euskadiko COVID-19aren kasuei eta kontaktuei buruzko zaintza-sarea arakatzen eta haren trazabilitatea egiten laguntzera. Bada web bidez eskuragarri dagoen formulario bat sintomarik duzun edo kontaktu estua izan zaren jakinarazteko.

Pertsona guztiek bete beharko dituzte osasun-arloko agintarien edo zerbitzuen jarraibideak, baita Osasun Sailarenak ere, indarrean dauden protokoloen arabera.

6. neurria, Osasuneko sailburuaren 2021eko urriaren 6ko Aginduaren eranskinekoa.

Ekitaldien antolamendua

2021eko azaroaren 16ko Aginduak, Osasuneko sailburuarenak, COVID-19ak eragindako osasun-krisiari aurre egiteko beharrezkoak diren prebentzioari buruzkoak, COVID-19 kutsatzeetan 14 eguneko tasa metatua 100.000 biztanleko 150etik gorakoa den udalerrietan, hartu beharreko neurrien bigarren atalean ezartzen du ‒beste administrazio publiko batzuen eskumenak eta haiek eskumen horiek baliatzean hartzen dituzten neurriak behar bezala errespetatuz udalerriak 100.000 biztanleko 150 kasu baino gehiagoko intzidentzia duen bitartean‒ jarduera guztiak bertan behera utzi edo aldi baterako atzeratu ahal izatea, horien esparrua edozein dela ere, baldin eta udalagintariek aurreikusten badute ezin izango dela bermatu urriaren 6ko Aginduaren eranskinean aurreikusitako prebentzio-neurriak beteko direla.

Oinarrizko prebentzio-neurriak beteko direla (maskara erabiltzea bereziki) bermatzea oso zaila ikusten den ekitaldiak edo jarduerak hauek dira: janariak edo edariak hartuko direla aurreikusita dutenak.

Habiaratutako portletak
Web edukia bistaratu

Udal zerbitzuetako telefonoak

Habiaratutako portletak
Web Form
HARREMANETARAKO FORMULARIOA
Identifikatzeko Testua Refresh CAPTCHA Refresh CAPTCHA
Web edukia bistaratu