Berdintasun mahaia

Hondarribiko Berdintasun Mahaia kide anitzek osatutako partaidetza espazioa da, eta aholkularitzarako, kontsultarako, informaziorako, eztabaidarako, azterketarako eta proposamenetarako gune gisa eratzen da. Emakume eta eragile feministek osatzen dute mahaia. Osaerari dagokionez talde zein elkarteek edota norbanakoek  parte hartu dezakete. 

Hilabete luzeetako lanari esker 2025ean hasi du bere bidea Berdintasun Mahaiak, helburua herrian eragitea da eta horretarako, zenbat eta gehiago izan, hainbat hobeto. Parte hartzera animatzen ditugu, beraz, oinarriekin bat egiten duten hondarribiar emakumeak. Berdintasun Mahaian parte hartu nahi baduzu jar zaitez harremanetan Berdintasun Sailarekin.. Kontent eta beso zabalik hartuko zaitugu, bada-eta zereginik.

Harremanetarako datuak

• Hondarribiko Berdintasun Saila
• berdintasuna@hondarribia.eus
• 943 111 305