Argazki lehiaketa

GAZTERIAren proiektua

Lehiaketaren oinarriak

• Parte hartzaileak 14-30 urte bitarteko Hondarribiko gazteak izango dira.
• Parte hartzeko, gazteek argazki bat atera eta jarraian adierazten den bezala Instagram sare sozialean izendatu beharko dute:
  • Hilero lehiaketan parte hartuko duten argazkien izendapena modu honetan osatuko den traola bidez izango da: # + GAZ + dagokion hilabetearen izenak osatuko dute (traola adibideak: #GazOtsaila, #GazMartxoa…)
  • @GazteenZerbitzua perfila etiketatu beharko dute igo eta izendatutako argazkian.
  • Publikazioan lagun bat gutxienez aipatu
• Parte hartzaile bakoitzak hilabete beraren baitan gehienez bi argazki igotzerik izango du.
• Hilabete bakoitzean Hondarribiko Gazteen zerbitzuko Instagram sare sozialeko jarraitzaileen artean aukeratuko da argazki irabazle bat. Hilaren amaieran bozka gehien dituen argazkia (bihotz gehien jasotzen dituenak) izango da hileko irabazlea.
• Gazteen Zerbitzuak hilabete bakoitzeko lehen lan egunean, aurreko hilabeteko argazki irabazlea publikatuko du eta irabazlearekin harremanetan jarriko da.
• Hilabete bakoitzeko argazki irabazlea 2023 urteko gazteen egutegia ilustratzeko erabiliko da. Egutegi hau Hondarribiko Udaleko GAZTEEN ZERBITZUAren ekimen bat delarik.
• Hilabete bakoitzeko irabazleak, Hondarribiko gazte sortzaileren batek egindako lan bat jasoko du, beraz, hilabete baikoitzean sari desberdin bat egongo da.
• Urteko irabazlea lehiaketa honen baitan gutxienez lau hilabete ezberdinetan argazkiak igo dituzten parte hartzaileen arteko ZOZKETA bidez erabakiko da.
• Urteko saria 300€tan baloratutako saria izango da. Hondarribiko denda edota zerbitzuetan erabiltzera bideraturik egongo da.
• 2022ko Abenduaren 23an amaituko da lehiaketa. Urteko azken astean egutegia diseinatu eta inprentara bidaliko da eta urteko irabazlea zozketatuko dira.

Sariak jasotzeko baldintzak

• Hileroko Irabazleak Gazteen Zerbitzuan presentzialki jasoko du saria. Irabazleak bere adina erakusten duen identifikazio dokumentu bat aurkeztu beharko du sariak jaso ahal izateko.
• Irabazle izanaren komunikazioa jaso eta hilabete bereko hamabost garren eguna bitarte sariak jasotzerik egongo da.
• Sariak jasotzerakoan, berau jaso duenaren argazki bat egingo da GAZTEEN ZERBITZUko sare sozialetan ager dadin (irabazlearen aurpegiak EZ DU zertan atera beharko).
• Urteko Sariak 300€ko balioa izango du. Hondarribiko komertzio edota zerbitzuetan erabiltzera bideraturik egongo da.