eskuragarri, Hondarribia APP berrian
Udalak APP bat garatu dut herritarrei informazioa, zerbitzuak eta udal jarduera modu bateratu, azkar eta irisgarriago batean eskaintzeko.
Herritarrak informazioaren erdigunean jartzea da helburua eta udalaren komunikazioa modu eraginkorragoan eta bateratuan jasotzea eta herritarrak udalera gehiago gerturatzea.
hiriko jarduera guztiak
leku bakarrean
Aplikazioaren ezaugarri nagusietako bat agenda bateratua izango da. Bertan, Udalaren ekitaldi ofizialez gain, herriko kultur, kirol eta gizarte eragileek euren jarduerak ere argitaratu ahal izango dituzte.
ALehen aldiz, herriko agenda nagusi guztiak —Hondarribia Kulturakoa, liburutegikoa, gazteriarenak eta bestelako ekitaldiak— euskarri bakarrean bilduko dira. Horrez gain, elkarteek, ikastetxeetako guraso elkarteek edota kirol taldeek ere euren ekintzak partekatzeko aukera izango dute, agenda partekatu eta etengabe eguneratu baten bidez.
Helburua argia da: herriko jarduera guztia leku bakarrean biltzea, herritarrek informazioa modu erraz, argi eta azkar batean eskuratu ahal izan dezaten.
komunikazio zuzena
APPak udalaren komunikazio ofiziala zentralizatuko du. Herritarrek, azken albisteez gain, udal kudeaketarako hainbat tresna praktiko ere baditu:
Aurretiazko hitzorduak eskatzeko aukera
Iragarki-taula digitala
Sarreren erosketa zuzena aplikazioaren bidez
Udal zerbitzu eta bulegoetarako informazioa
Gainera, bideoen atala du, eta udal osoko bilkurak zuzenean jarraitzeko aukera eskainiko du, udal jarduera herritarrengana gehiago hurbilduz.
Dagoeneko eskuragarri dago App Store eta Google Play plataformetan. Doan deskarga daiteke.
