Gobernu plana
Plan de gobierno
2023 - 2027
Plan de gobierno
2023 - 2027
Hondarribia
bizitzeko
Helburua hondarribiarrok gure herrian eroso bizitzea da, umeak parkeetan seguru jolastea, gazteek etxebizitza eskuragarriak edukitzea, gure nagusiek merezi duten zaintza izatea… hori eta gehiago merezi dugulako.
Gure motorra Hondarribia sentitzea da. Hondarribia bizitzeko delako. Bizitzeko, sentitzeko eta baita maitatzeko ere. Gure onena ematera gatoz.
Udal gobernu taldea
Gobernu plana
142 neurriak
Neurriak datozen urteetarako Gobernuaren ekintzarako gida izango dira.
“Gobernu plan hau gauzak ondo egiteko bermea da”
1
Etxebizitza
Etxebizitza udal saila sortzea
Udal egitura berri bat sortuko dugu Hondarribia mailako diagnostikoa egiteko, babes publikoko etxebizitzak kudeatzeko eta, batez ere, sustapen propioa ahalbidetzeko.
2
Etxebizitza
Hondarribia etxebizitza gune tentsionatua izendatzea
Udalak tramiteak egingo ditu Eusko Jaurlaritzak Hondarribia eremu tenkatu izendatzeko. Izan ere neurri hau, Etxebizitza turistikoen erregulazioaz gain alokairuaren prezioa mugatu ahal izateko garrantzitsua izango da.
3
Etxebizitza
Etxebizitza hutsen errolda egitea
Etxebizitza hutsen merkaturatzea sustatzeko haien errolda egingo dugu, EAEko Etxebizitzaren Legean aurreikusitako neurriak hartuz.
4
Etxebizitza
Gazteentzako eta adinekoentzako etxebizitzak sustatzea
Herriko gazteek beren bizi proiektuak Hondarribian garatu ahal izateko, bai eta adinekoek ere, Eusko Jaurlaritzak zuzkidura bizitokiak eraiki ditzan lan egingo dugu.
5
Etxebizitza
Hondarribiak gaur egun dituen beharrak jasoko dituen HAPO berria osatzea
Bizitzak erdigunean jarriko duten hirigintza eredu berriak ezarriz, interes orokorrari erantzungo dion eta babes handiagoa jasoko duen Plan Orokorra egingo dugu.
6
Mugikortasuna
Hiri-barneko autobusa martxan jartzea
Hiri autobusa oinarrizko zerbitzua izendatuko dugu eta behar diren inbertsioak egingo ditugu ibilgailua eskuratzeko eta geltokiak eta seinalizazioa jartzeko.
7
Mugikortasuna
Bidegorri sarea lotzea eta osatzea
Beste erakundeekin eta herriko eragileekin elkarlanean, besteak beste, bidegorri hauek egingo ditugu: Solbes-DIA zatia, ospitaleko lotura eta San Lorenzo aintziraren lotura.
8
Mugikortasuna
Bizikletentzako aparkaleku estaliak jartzea
Aparkaleku estaliak eta seguruak jarriko ditugu, bizikleta egunerokotasunean mugitzeko benetako aukera izan dadin.
9
Mugikortasuna
Eskola-bideak proiektuan sakontzea
Hondarribiko haurrek modu autonomoan eskolara joateko bide seguruak egingo ditugu, sozializazio eta ikasketa prozesuaren zati garrantzitsua den heinean.
10
Mugikortasuna
Aparkalekuen kudeaketa berritzea
Hondarribiarroi lehentasuna emango dien ereduak hobetsiko ditugu, hala nola “Bertakoak” eta OTA/TAO. Bisitarientzako kanpoko aparkalekua egiteko aukerak ikertuko ditugu.
11
Mugikortasuna
Zezen-plazan lur azpiko aparkalekuaren bideragarritasuna aztertzea
Hirigintza garapen berriek eremu honetan eragingo dituzten ondorioei aurre egiteko, bertako bizilagunentzako lur azpiko aparkalekua eraikitzeko aukerak aztertuko ditugu.
12
Mugikortasuna
Autokarabanentzako aparkalekua leku egoki batean kokatzea
Egungo kokapena behin-behinekoa da eta, beraz, urbanistikoki egokiagoa izango den eta erabiltzaileei zerbitzu egokia emango dien lursail berri batean kokatuko dugu.
13
Mugikortasuna
Oinezkoentzako segurtasuna hobetzea
Trafi koa baretzeko plataformak aldatuko ditugu, oinezkoentzako pasabide segurua izateko funtzioa benetan bete dezaten, eta zebrabideetako argiteria-sistema hobetuko dugu.
14
Mugikortasuna
Radar pedagogikoak jartzea
Ibilgailuak zein abiaduratan dabiltzan adierazten duten radar pedagogikoak instalatuko ditugu, trafikoa baretzeko gure kaleetan.
15
Mugikortasuna
Hondarribitik kanpoko joan etorri jasangarrien alde egingo dugu
Donostiako autobusaren maiztasuna eta ibilbidea herritarren beharretara egokitua izateko lanketa egingo da, eta baita ere aireportuko bidaiarien autobusak eguneko erabiltzaileei kalterik ez sortzeko.
16
Hirigintza
Stanley Academia eraikina erostea
Mendelu auzoak dituen gabeziei aurre egiteko Stanley eraikina erosiko dugu, Open-gela bat, enpresa-mintegi/coworking esparru bat eta sorkuntzarako bideratutako espazioak hartzeko.
17
Hirigintza
Open-gela bat irekitzea Mendelun
Auzoa birgaitu eta biziberritzeko estrategiak definitzen lagunduko duen bulegoa izango da, bizilagunei ere aholkularitza emango diona.
18
Hirigintza
Sokoako eremuan urbanizazio lanak egitea
Pasaia Kalea, Mantzin-Enea ingurua etb. Urbanizatu eta saneamenduaren egoera hobetuko dugu.
19
Hirigintza
Arrantzale auzoko proiektua bizilagunekin kontrastatzea eta martxan jartzea
Une honetan deseinu fasean dagoen proiektu hau bizilagunekin kontrastatuko dugu eta, ekarpenak jaso ondoren, adostutako obra egingo dugu.
20
Hirigintza
Amute auzoan trafikoaren zarata murrizteko pantaila akustikoak jartzea
Trafikoak Hondarribiko zentrora sartzeko bide nagusian eragindako zarata-kutsadurari irtenbidea emateko pantaila akustikoak jarriko ditugu.
21
Hirigintza
Arkolla auzoan urbanizazio lanak egitea
Bizilagunen beharrei erantzunez, hainbat obra egingo ditugu argiztapena eta oinezkoentzako pasabideak hobetzeko, eta sute-arriskuaren aurrean sute-ahoak jartzeko
22
Hirigintza
Baserrien identifikazioa hobetzea
Gornutz, Jaizubia eta Arkolla eremuko baserrien identifikazioa hobetuko dugu, anbulantzietarako eta gainerako zerbitzuetarako sarbidea errazteko
23
Hirigintza
Haur parkeak estaltzea
Hondarribian ditugun 16 haur-parkeei buruz egin dugun azterlanean oinarrituta, urtero hainbat parke estaltzeko plana egingo dugu.
24
Hirigintza
Guadalupeko kantina irekitzeko izapideak egitea
Azterketa bat egingo dugu Guadalupeko kantina zerbitzua berriro eskaini ahal izateko.
25
Hirigintza
Ospakizun zibilak egiteko lekua jartzea
Ezkontzak, hiletak eta bestelako ospakizun zibiletarako espazio egoki baten eskaera gero eta handiagoari erantzunez, horretarako leku publiko bat prestatuko dugu.
26
Hirigintza
Txiplao-Santa Engrazia eremurako proiektu-lehiaketa egitea
Proiektu berri bat egingo dugu espazio osoa birdiseinatzeko eta Zumardiarekin lotzeko aukerak aztertuz.
27
Hirigintza
San Marko parkea atontzea
Herritarrekin eta interesa duten eragileekin batera, espazio berde hori balioan jartzeko esku-hartze bat diseinatu eta martxan jarriko dugu.
28
Hirigintza
San Nikolas Baluarteko goialdea ireki eta parke publikoa sortzea
San Nikolas Baluarteko goialdean parke berri bat egiteko izapideak egingo ditugu.
29
Hirigintza
Txakurrentzako aisialdi eremu bat sortzea
Txakurrentzako aisialdirako gune berriak jartzeko kokaleku posibleak aztertuko ditugu.
30
Sektore ekonomikoak
Terrazen ordenantza berria egitea
Espazioaren erabilera publikoa eta bertan garatzen diren jarduera ekonomikoak orekatzeko, araudi berria egingo dugu.
31
Sektore ekonomikoak
Laborantzara bideratutako lur publikoak eskuratzea
Udalak bultzatutako “Agroaldea” proiektuaren baitan, nekazaritzako jasangarritasuna bermatzeko planifikazio urbanistikoa berrikusi eta lursail berriak eskuratuko ditugu.
32
Sektore ekonomikoak
Merkatuaren etorkizuna bermatzea
Merkaturako eredu egonkorra ezarri, lehen sektoreak herriari eta herritarrei egiten dien eskaintza duintzeko eta egungo bezeroen eskaerei erantzuteko.
33
Sektore ekonomikoak
Bertako komertzioan kontsumitzeko bonoak sortzea
Bertako dendetan kontsumitzeko ohitura sustatzeko, merkatariekin elkarlanean, Udalak bono propioak aterako ditu, erroldan oinarritutakoa biztanle bakoitzari egokituta.
34
Sektore ekonomikoak
Aktibitate ekonomikoetako saila eratzea
Gure tokiko ekonomia dibertsifikatzeko beharrari erantzuteko, gaur egun dagoen “Merkataritza eta Turismoa” saila “Aktibitate ekonomikoen” saila bihurtuko dugu eta aktibitate ekonomiko berriak martxan jartzeko lanketa egingo dugu
35
Sektore ekonomikoak
Turismo eredu jasangarri eta orekatua ezartzea
Turismoak izan duen hazkundeari mugak jarriko dizkiogu eta hondarribiarren bizi-baldintzak erdigunean jarriko dira.
36
Sektore ekonomikoak
Merkataritza ereduari buruzko azterketa egitea
Udalak merkataritza eredu jasangarria bultzatuko du, Hondarribiko ekoizleei eta sortzaileei lehentasuna emanez eta tokiko kontsumoa sustatuz.
37
Sektore ekonomikoak
Auzo-bihotzetan sare komertziala babesteko neurriak hartzea
Tokiko merkataritza indartzeko, besteak beste, ez da baimenik emango beheko solairuan etxebizitzak eraikitzeko, eta eremu horiek oinezkoen eta bidegorrien sarearekin lotuko ditugu.
38
Sektore ekonomikoak
Udal lokal berriak ekintzailetza sustatzeko erabiltzea
Hirigintza-proiektu berriak eraikitzeagatik Udalak jaso behar duen diruaren zati bat lokaletan eskuratzeko eskatuko dugu, eta proiektu ekintzaileak bultzatzeko erabiliko dira.
39
Udala, herritarren etxea
Informazio eskubidea bermatzea
Hondarribiko Udalak gardentasunez jokatuko du herritarren aurrean, eta, besteak beste, aktak, aurrekontuak eta alkatearen eta kargu publikoen agendak argitaratzen hasiko da.
40
Udala, herritarren etxea
Erregistro bidez jasotako eskaera guztiei erantzutea
Udal erregistroko sarreran jasotako eskaerei sistematikoki erantzuteko sistema berria jarriko du indarrean Hondarribiko Udalak.
41
Udala, herritarren etxea
Udalak modu estrukturalean eman behar dituen zerbitzuak munizipalizatzea
Ingurumena, liburutegia edo artxiboa bezalako zerbitzuak birmunizipalizatuko ditugu, udalarentzat ekonomikoki egokiagoak izateko eta lan-baldintzak hobetzeko.
42
Udala, herritarren etxea
Segurtasun eredu berria herritarrekin eraikitzea
Herritarrekin batera lan egingo dugu segurtasun eskubidea bermatzeko, besteak beste, gertuko zerbitzua eskainiko duen udaltzaingo eredua sustatuz.
43
Udala, herritarren etxea
Parte-hartze prozesu dinamikoak egitea
Bizitza komunitarioa indartu nahi dugu, eta, horregatik, herritarren parte-hartzea estrategikoa eta zeharlerrokoa izango da. Norabide horretan, ikastaroak egingo ditugu udal langileekin.
44
Udala, herritarren etxea
Ekintza komunitarioak sustatzeko politika egitea
Bizitza komunitarioa erdigunean jarriko duten politika publikoak sustatuko ditugu, joera komunitarioak eta solidarioak sustatuz.
45
Udala, herritarren etxea
Eragileentzako diru-laguntza sistema justua ezartzea
Herri eragileentzako diru-laguntzak emateko irizpideak finkatzen dituen sistema aldatuko dugu, justua izateko, eta ordenantza egokituko dugu eragileekin batera.
46
Udala, herritarren etxea
Crear un canal interno de denuncia de irregularidades
Gobernu onerako tresna gisa, barne-salaketen kanala sortuko dugu, herritarrek eta udal langileek antzemandako irregulartasunen berri modu seguru eta diskretuan jakinarazi ahal izateko.
47
Udala, herritarren etxea
Udal langileek arreta hurbila eskaintzea
Ikastaroak eskaintzeaz gain, udaletxeko ateak ireki eta aldatu beharreko elementuak aldatuko ditugu, udal langileek herritarrei gertuko zerbitzua eman ahal izateko.
48
Udala, herritarren etxea
Aldibaterakotasun tasa nabarmen murrizteko neurriak hartzea
Interinitate tasa handiena duen administrazioa garela abiapuntutzat hartuta, plantilla egonkortzeko lan-eskaintza publiko berriak egingo ditugu eta lan-poltsa berriak gauzatuko ditugu.
49
Udala, herritarren etxea
Establecer una metodología para conseguir unos presupuestos realistas
Gardentasunaren izenean, benetako beharrei erantzungo dien aurrekontuak egingo ditugu, partida publiko eta neurgarriekin, hiru hilean behin gauzatze-txostenak aurkeztuz
50
Udala, herritarren etxea
Kontratazio plan egokia diseinatzea
Zerbitzuen birmunizipalizatzea aztertzen dugun bitartean, enpresekin egin beharreko kontratuetan klausula sozialak ezarriko dira, lan-baldintzetan arreta berezia jarrita.
51
Udala, herritarren etxea
Udal sailen arteko komunikazioa eta koordinazioa egokitzea
Herritarrentzako arreta hobetzeko asmoz, Udaleko sail desberdinetako langileen arteko elkarlana sustatuko dugu, lanpostuen organigrama eguneratuz eta indartuz.
52
Udala, herritarren etxea
Herritarren Zerbitzuen Karta argitaratzea
Herritarrek eskubidea dute Hondarribiko Udalak ematen dituen zerbitzu guztiak ezagutzeko, baita zerbitzu horiek eskuratzeko prozeduren berri izateko ere
53
Udala, herritarren etxea
Udal ondasunen inbentarioa egitea
Udal lokal eta eraikinen inbentario zehatza egingo dugu, azken hamarkadetan ez delako egin, kontserbazioari eta kudeaketari dagokionez horrek suposatzen duen guztiarekin.
54
Udala, herritarren etxea
Udal eraikinen lagapen hitzarmenak eguneratzea
Udal eraikinen lagapenen egoeraren diagnostikoa egingo dugu, iraungita dauden jakiteko eta eskaera berriei erantzuteko lagapen berriak egiteko.
55
Udala, herritarren etxea
Langileentzako etengabeko formakuntza ematea
Udal zerbitzuen etengabeko hobekuntza prozesuaren baitan, udal plantillaren formakuntza iraunkorra sustatu eta planifikatuko dugu.
56
Udala, herritarren etxea
Lanpostuen balorazio objektiboa egitea
Plantillaren balorazio objektiboa egiteko prozesuari ekingo diogu, 80. hamarkadatik egin gabe dagoelako, zerbitzuaren eraginkortasuna eta kalitatea hobetzeko asmoz.
57
Udala, herritarren etxea
Txingudi Mankomunitateak Hondarribian bulegoa irekitzea
Herritarrei gertuko zerbitzua eskaintzeko helburuarekin, behar diren izapideak egingo ditugu Txingudiko Zerbitzuak-ek Hondarribian bulegoa ireki dezan ahalik eta lasterren.
58
Udala, herritarren etxea
Zerga eta tasen sistema progresiboa ezarriko dugu
Ordenantza fiskalen azterketa bat egingo dela, baliabideen araberako progresibitatea bermatzeko.
59
Alardearen gatazkaren konponbidea
Udal taldeen arteko etengabeko lanketa egitea
Bozeramaileen mahai iraunkorra eratuko da. Alardearen inguruan hausnartu, ikuspegiak partekatu, adostasunak bilatu eta ezberdintasunak naturaltasunez jorratzeko tresna izango da.
60
Alardearen gatazkaren konponbidea
Gazteen arteko konfiantzazko guneak sortzea
Gazte eta nerabeen artean Alardearen inguruko ikuspegiak partekatzeko gune eroso eta seguruak sortuko dira.
61
Alardearen gatazkaren konponbidea
Herritarron arteko elkarrizketa dinamikei heltzea
Herritarren arteko elkarrizketa foroak abian jarriko dira. Honez gain, gatazka gainditzeko eta konponbidearen oinarriak landuko dituen metodologia parte hartzaileak abian jarriko dira.
62
Alardearen gatazkaren konponbidea
Erakundeen arteko mahaia bultzatzea
Alardearen inguruan konpetentziak dituzten erakunde publikoen arteko elkarlana sustatzeko erakunde arteko mahaia sustatuko dugu.
Gizarte zerbitzuak
Gizarte zerbitzuak indartzea
Arreta arinagoa, efektiboagoa eta azkarragoa izateko hobekuntzak egingo ditugu, diagnostiko egokiagoak egiteko eta herritarrei erantzun eta jarraipen zuzenagoa emateko.
Gizarte zerbitzuak
Gizarte zerbitzuen laguntzen berri ematea herritarrei
Udal eskumenekoak diren gizarte zerbitzuak eta laguntzak eskuratu ahal izateko tramitazioa zein den ezagutarazteko triptiko bat egingo dugu, etxe guztietara zabalduko duguna.
Gizarte zerbitzuak
Zaintzaileentzako zerbitzuak eskaintzea
Udalaren eskumenekoa den zerbitzu hau eskaintzen hasiko gara Hondarribian, besteak beste, zaintzaileentzako ikastaroak, akonpainamendu psikologikoa eta aholkularitza zerbitzuak emanez.
Gizarte zerbitzuak
Etxez etxeko zerbitzua hobetzea
Etxez etxeko laguntza-zerbitzuaren esleipen berria egingo dugu, orain arte emandako zerbitzua aztertuz, hutsuneak detektatuz eta hobekuntzak ezarriz.
Gizarte zerbitzuak
Zaintza eredu berria martxan jartzea
Teknikari, koordinatzaile eta eragilerekin batera, zaintza eredu komunitario berri bat jarriko dugu martxan eta eredu berria herritarrengan txertatzeko sentsibilizazio eta ikastaro zein tailer ezberdinak egingo ditugu.
Gizarte zerbitzuak
Babesgabetasun egoeran dauden adingabeei zerbitzua ematea
Babesgabetasun egoeran geratzeko arriskuan daudenei laguntza emateko eta prebentzio neurriak hartzeko zerbitzu egokia ezarriko dugu, hezkuntza eta arlo psikosoziala lehenetsiz.
Gizarte zerbitzuak
Adinekoei arreta zerbitzu egokia ematea
Zerbitzu berri bat jarriko dugu abian, Hondarribian bakarrik bizi diren gero eta adineko pertsona gehiagori arreta emateko, laguntza espezifikoa eskainiz.
Gizarte zerbitzuak
Tutoretzapeko etxebizitzen inguruko azterketa egitea
Larrialdietarako etxebizitzez gain, tutoretzapeko etxebizitzen zerbitzua ere ematen hasteko behar diren azterlanak egingo ditugu.
Gizarte zerbitzuak
Puntalean Udalak duen etxea zaharberritzea
Udalak Puntalean duen etxean erreforma-lanak egingo ditugu, eta beste erabilera bat emango diogu, hala nola, larrialdietarako etxebizitza, tutoretzapekoa, emantzipaziorako…
Gizarte zerbitzuak
Etxebizitza utzarazpenei aurre egiteko protokoloa eratzea
Etxe uztarazte edo kaleratze isilei erantzun azkar bat emateko protokoloa eratuko dugu, kalean inor gera ez dadin
Gizarte zerbitzuak
Etorri berrientzako harrera protokoloa osatzea
Hondarribira bizitzera datozen bizilagun berriek gure nortasun ikurren berri jasotzeko aukera izango dute, baita udal bulegoen eta eragile interesgarrien kokapenaren berri ere.
Gizarte zerbitzuak
“Bidez bide” zerbitzua hobetzea
Behemendi landa garapenerako elkarteak ematen duen oinarrizko beharretarako doako garraio-zerbitzua hobetuko dugu, ordutegiak luzatuz eta udako beharretara egokituz.
Gizarte zerbitzuak
Adinekoen tailerrak auzo gehiagotara eramatea
Adinekoentzako tailerrak, ohiko lekuez gain, auzo gehiagotan antolatzen hasiko gara.
Gizarte zerbitzuak
Zahartze Batzordea sortzea elkarte eta eragileekin
Zahartze prozesuak eragiten dituen beharrei erantzuteko, garai batean egon zen Zahartze Batzorde aktibatuko dugu berriz, elkarte eta eragileekin elkarlanean.
Gizarte zerbitzuak
Kasino Zaharreko tabernaren esleipena egitea
Kasino Zaharreko taberna berriz irekitzeko izapideak egingo ditugu, Jubilatuen Etxeak behar duen taberna edo kafetegia izan dezan.
Gizarte zerbitzuak
Kasino Zaharra atontzea
Kasino Zaharrean berrikuntzak egingo ditugu, eta behar diren material eta ekipoak jarriko ditugu, betiere arduradunekin elkarlanean.
Gizarte zerbitzuak
Zahartze aktiboa sustatzea
Zahartzeak kognitiboki eraginak izan dezake eta, horregatik, zahartze aktiboa eta estimulazio kognitiboa lotzen dituen proiektu bat jarriko dugu martxan.
Gizarte zerbitzuak
Dolu-laguntza zerbitzua ezartzea
Udalak psikologia eta akonpainamendu zerbitzu bat sortuko du hurbileko pertsona baten heriotzagatiko dolu-egoerari aurre egiteko laguntza behar duten pertsonentzat.
Gizarte zerbitzuak
Ke-detektagailuen zerbitzua ezartzea
Bakarrik bizi diren eta hala eskatzen duten adinekoen etxeetan ke-detektagailuak instalatu ahal izateko prozesuari ekingo diogu, beste erakunde batzuekin lankidetzan.
Gizarte zerbitzuak
Gatazka komunitarioen bitartekaritza zerbitzua martxan jartzea
Bizilagunen artean, egunerokotasunean, espazio publikoaren erabileraren inguruan sor daitezken liskarrak konpontzeko bitartekaritza eta kudeaketa zerbitzua jarriko dugu martxan.
83
Berdintasuna
Berdintasun saila sortzea
Berdintasunaren aldeko politika publikoak zeharlerrotasunez lantzeko sail berria sortuko dugu, teknikari bat kontratatuz, emakumeen eta gizonen berdintasun eraginkorra lortzeko.
84
Berdintasuna
Eraso matxistaren aurkako telefonoa egonkortzea
Herriko jaietan arreta-puntuarekin batera sortu zen 24 orduko telefonoari jarraipena emango diogu eta elkarteei eskainiko zaie antolatzen dituzten jaialdietan aktibatzeko.
85
Berdintasuna
Erasoen aurkako lantaldea egonkortzea
Jaietan txosnekin, merkatariekin eta ostalarien elkarteekin hasitako lankidetzari jarraipena emango diogu, erasoen aurkako erantzunak adostu eta identifi katzen diren behar ezberdinei erantzuteko asmoz.
86
Berdintasuna
II. Berdintasun plana egitea
2019ko Berdintasunerako lehen planak eman duena aztertu, beharrak ikusi eta plan berri bat eratuko dugu, herriko eragileekin eta erakundeekin elkarlanean.
87
Berdintasuna
Gorrotozko erasoen aurkako udal protokoloa eratzea
Udalak bere protokolo propioa egingo du, erasoen aurkako lantaldearekin eta beste agente batzuekin elkarlanean.
88
Berdintasuna
Eskoletan indarkeria matxistaren kontrako programa martxan jartzea
Urtero, programa hau DBHko 3. eta 4. mailako ikasleekin landuko dugu ikasturtean zehar, data esanguratsuetan indar berezia eginez, hala nola azaroaren 25an.
89
Berdintasuna
Bullying-a, jarrera homofoboak eta sexistak saihesteko planak egikaritzen lagunduko dugu
Herriko aisialdi eta kirol elkarteetan gorroto erasoak saihesteko planak eduki ditzaten, udalak laguntza teknikoa eta ekonomikoa emango du.
90
Kultura
Kultur agenda herriko auzo desberdinetara zabaltzea
Auzoei garrantzia eta bizitza emateko asmoz, auzoetako kultur agendaren programazioa indartuko dugu.
91
Kultura
Erakusketa aretoa martxan jartzea
Hondarribiak izan duen eta gaur egun daukan artista bilakaera ikusita, Udalak areto egoki bat eskainiko du bertako zein kanpoko sortzaileek beraien arte lanak erakusteko.
92
Kultura
Hondarribiko sortzaileen katalogo digitala osatzea
Herrian ditugun artistak aditzera emateko, eta haien artean ere ezagutarazteko, aukera berriak eskainiko ditugu.
93
Kultura
“Hondarribia Sormen Hiria” bekak aktibatzea
Sorkuntza eta diziplina artistiko desberdinetan dabiltzan hondarribiarrei beka programa eskainiko diegu, beren ibilbide artistikoari lagunduko dioten diru-laguntzak emateko.
94
Kultura
Polborina irekitzeko pausuak egitea eragileekin batera
Barruko gela egokituko dugu, baita barruko eta kanpo ko plaza ere, herriko kultur eragileen eskura jartzeko.
95
Kultura
Herri txoko desberdinetan mural artistikoak margotzea
Herriko margolariei modu antolatuan eta gai desberdinak jorratuz muralak margotzeko aukera eskainiko diegu, herriko artista eta kolektibo desberdinekin elkarlanean.
96
Kultura
Liburutegia zerbitzu zehatzak auzoetan eskaintzea
Gaur egun udal liburutegiak eskaintzen dituen hainbat zerbitzu auzoetan eskaintzen hasiko gara, hala nola, liburu zerbitzua, biltegiratzea, prentsa eta internet.
97
Kultura
Irakurketa erreza sustatzeko neurriak zabaltzea
Material desberdin eta ugariagoa eskuratzeko urtero diru partida bat eskaini eta neurri hauen jarraipena egingo dugu.
98
Kultura
Liburuak partekatzeko guneak ezartzea
Irakurzaletasuna zabaldu eta indartzeko asmoarekin liburuak kalean utzi eta hartu ahal izateko guneak jarriko ditugu.
99
Euskara
Euskara sustatzeko erabilera plana martxan jartzea
Plan berrian, egungo diagnostikoa egin eta aurrera begirakoaren erronkak definituko ditugu. Mahai iraunkor batek bideratuko ditu lau urteko planean jasotako neurriak.
100
Euskara
Euskararen normalizazioa bultzatzeko udal barruko erabilera plana berritzea
Udal langilegoaren egunerokotasunean euskara erabilera indartu eta suspertzeko plan berria ezarri eta jarraipena egingo dugu.
101
Euskara
Ikastetxeetan hizkuntza portaera lantzeko proiektuak martxan jartzea
Hondarribiko hiru ikastetxeetan, HH, LH eta DBHko ikasleekin hizkuntza asertibitatea eta kontzientzia linguistikoa lantzeko programa integrala martxan jarriko dugu.
102
Euskara
Hondarribia, UEMA Udalerri euskaldunen mankomunitateko kide izendatzea
Hondarribiko euskara erabilera indartu dadin, mankomunitateak eskaintzen dizkigun tresnak erabiliko ditugu, herriko sektore desberdinetan aplikatuz.
103
Euskara
Euskal liburu eta disko azoka indartzea
Azoka sendotu eta biziberrituko dugu. Horretarako eskaintza berri bat egingo dugu, kultur ekintzak uztatu eta udal departamentu desberdinen lankidetzarekin.
104
Euskara
Bordari eta Satarka literatur-lehiaketa birformulatzea
ordari ipuin-lehiaketa eta Satarka olerki-lehiaketa berritzeko unea iritsi da eta, formatu berrian, besteak beste, literatura bekak eskainiko ditu Udalak.
105
Ondarea eta memoria
San Telmo gazteluan indusketa arkeologikoa egitea
Etorkizunean funtzio zehatz bat ezartzeko, lehenbizi azterketa bat egingo dugu eta ondoren gazteluaren funtzionamendu berria defi nituko dugu.
106
Ondarea eta memoria
Higer itsas argia gureganatzeko lanak abiatu eta biziberritzea
Pasaiako Portu Agintaritzarekin hitzarmen bidez gureganatuko dugu eta itsas argiari funtzio jakin bat ezartzeko aukera desberdinak aztertuko ditugu.
107
Ondarea eta memoria
Hondarribiko itsas ondarea balioan jartzea
Itsas Ondarea balioan jarri eta bere kultura errotu, zabaldu eta indartuko dugu. Horretarako jardunaldiak eta itsasoaren interpretazio gunea sortzeko proiektuaren lanketa egingo dugu.
108
Ondarea eta memoria
San Nikolas atearen kontserbazio plana egitea
Erdi aroko ateak istorio zabala dauka eta behar duen kontserbazio plana izango du. Ondoren ezagutza bidean jarriko dugu.
109
Ondarea eta memoria
Memoria historikoaren lanketan jarraitzea
Frankismoarekin lotutako ikerketa bat egingo da, Hondarribiko oroimen historikoa berreskuratzeko asmoz, gerra eta errepresioa jasan zituzten biktimengan arreta jarriz.
110
Ondarea eta memoria
Hondarribian dugun azken gabarra berreskuratzea
Konponketa lanak abiatu, dokumentatu eta errekaratuko dugu. Ondoren gabarrak gure herri eta eskualdean izan duen garrantzia kontuan izanik, ezagutza lanekin jarraituko dugu.
111
Ondarea eta memoria
Harresiaren kontserbazio planaren barruan San Nikolaseko baluartean berreskuratze lanak abiaraztea
Epe luzeko lana da, eta agintaldi honetan San Nikolas baluartea berreskuratzeko beharrezko azterlanak eta hasierako tramiteak egiten hasiko gara.
112
Ondarea eta memoria
Nafarroako erreinuarekiko harremana azaltzea
Hondarribia, Nafarroako erresumaren azken portua eta gazteluaren galtzearen 500. urtemuga gogoratzearekin batera, herriko historian eta eraikinetan nafar erresumarekin izandako lotura argitara eramatea.
113
Ingurumena eta energia
Jaizkibel mendia babesteko udal ordenantza egitea
Geroz eta ustiatuagoa dagoen gure mendiak babeserako tresnak behar ditu. Eskualdeko gainontzeko herriak eta Aldundiarekin batera irizpide zehatzak jarriko ditugu. Pertsonen aisialdia uztartu eta mendiko biodibertsitatea bermatzeko.
114
Ingurumena eta energia
Jaizkibel mendiko mairu-baratzak atontzea
Jaizkibelen dauden Kromletx edo mairu-baratz ederrak berreskuratzeko lanak egingo ditugu.
115
Ingurumena eta energia
Goiko Errotaren ateak ireki eta errota martxan jartzea
Landa eremuan hain garrantzizkoa den elementua biziberritu eta bizitza emango diogu, haur, gazte eta helduek natur eremuaz gozatzeko eta errotarrien historiaz ikasteko.
116
Ingurumena eta energia
Eguzki plakak eraikin publikoetan jartzea
Gure eskumenekoak diren eraikinetan eguzki plakak instalatuko ditugu, dependentzia energetikoa eta kutsadura mailak murriztuz.
117
Ingurumena eta energia
Permakultura sozializatzeko jarduerak antolatzea
Egungo garapen eredu jasanezinak bestelako begirada bat izatea eskatzen digu eta, bide honetan, permakulturaren oinarriak ikasi eta hedatzeko ekimenak egingo ditugu.
118
Ingurumena eta energia
Hiriguneko zuhaitzen identifikazioa eta ibilbidea egitea
Hirigunean dugun biodibertsitatea ezagutzeko, zuhaitzen identifikazioa egingo da, hauek ezagutuz ibilbidea egin ahal izateko.
119
Ingurumena eta energia
Energia kontsumo jasangarriaren leihatila martxan jartzea
Etxebizitzen energia kontsumoa jasangarriagoa izan dadin, dauden politika eta aukeren inguruko dibulgazio ekimenak sustatu eta energiaren leihatila propioa sortuko dugu.
120
Ingurumena eta energia
Herri baratzeak martxan jartzeko urratsak egitea
Hondarribiak ere baratze parkea izateko eman beharreko pausoak martxan jarriko ditugu: kokapena zehaztu, hirugarrenekin hitzarmena sinatu, ordenantza gauzatu, esleipena burutu eta abar.
121
Hezkuntza
Batxilergo ikasleentzat sorospen ikastaroak antolatzea
Jardunaldi hauen helburua 17 urteko gazteak larrialdi-egoerei aurre egiten ikastea da, egoera horiek modu arrakastatsuan kudeatzen ikas dezaten.
122
Hezkuntza
Eskola kirola eredua berraztertzea
Ikastetxeekin, gurasoekin, Foru Aldundiarekin eta eragileekin elkarlanean, egungo ereduari buruzko gogoeta egingo dugu, eredu berria diseinatu eta martxan jartzeko.
123
Hezkuntza
Satarkako parkea estaltzea
Hezkuntza sailak barne patioa estaltzea erabakitzen duen bitartean, Udalak Talaia ikastolaren aurrean dagoen haur-parkea estaliko du, ikasleei ere zerbitzua emateko.
124
Hezkuntza
Hondarribiko Hezkuntza Kontseilua eratzea
Hondarribia herri hezitzailea izan dadin hezkuntza komunitate osoarekin modu parte-hartzailean landu eta adostu beharreko ildo estrategikoak zehaztuko dira.
125
Kirola
Jostaldi frontoia berritzea
2007an eraiki zen frontoia berrituko dugu, gaur egun hainbat behar dituelako, hala nola argiteria eta frontisaren pareta.
126
Kirola
Jostaldi frontoiaren kudeaketa eredua aldatzea
Orain arte Hondartza Kiroldegiarekin batera kudeatzen zen eta, formularik egokiena aztertu ondoren, etorkizunean zerbitzua interes publikoaren arabera kudeatuko da.
127
Kirola
Emakume palisten formakuntzarako irakaslea kontratatzea
Emakumeek kirol diziplina horretan parte-hartzea sustatzeko, emakume palisten teknika hobetuko duen irakaslea kontratatuko dugu.
128
Kirola
Hondartza kiroldegiko esleipena Hondarribiko Udaletik egitea
Zerbitzuaren birmunizipalizatzea aztertzen dugun bitartean, kiroldegiaren kudeaketa zuzena bermatuko dugu, eskaintzen duen zerbitzu publikoa egokia izan dadin.
129
Kirola
Amute auzoko kirolgunea berritzea
Frontoia estali eta futbol zelaia berrituko dugu.
130
Kirola
Mendelu auzoko kirolgunea berritzea
Instalazioa eguneratu eta beharrezkoak diren hobekuntzak egingo ditugu.
131
Kirola
Soroetako frontoia atontzea
Itxiturak ezarriko dira urte osan zehar kirola egiteko aukera bermatzeko eta bertan praktikatzen diren kirol aniztasuna bermatuz.
132
Kirola
Adineko pertsonei zuzendutako gimnasiarako gailuak jartzea
Herriko pasealeku nagusietan adinekoentzako makina bio-osasungarriak jarriko dira.
133
Kirola
BMX pista berritzea
BMX bizikletentzako pista oso baldintza txarretan dago eta lurrezko pista berreskuratzeko lanak egingo ditugu.
134
Kirola
Skate parkea berritzea
Gaur egungo pista berrituko dugu, gazteek, helduek, hasiberriek edo adituek skate praktikatzen jarrai dezaten baldintza onenetan.
135
Kirola
Kirola jardunaldi inklusiboa egitea
Lehen aldiz Hondarribian hainbat herriko kirol elkarteekin eta Atzegirekin batera kirol jardunaldi inklusiboa ospatuko dugu.
136
Kirola
Hondartzako aldagelak egokitzea
Hondartzako inguruan kokatzen diren eta udalarenak diren intalazioak, urte osoan zehar irekiko ditugu aisialdirako erabiltzen duten herritarrei zerbitzua emateko.
137
Kirola
Bizikletak garbitzeko guneak jartzea
Bizikletak garbitzeko gune publikoak eta doakoak jarriko ditugu.
138
Kirola
Soroetan rokodromo berria egitea
Soroetako kirol gunean aire zabaleko rokodromoa jarriko dugu.
139
Gazteria eta prebentzio komunitarioa
Prebentzio komunitarioko zerbitzua esleitzea
Udal zerbitzu honen esleipena duela urte batzuk iraungi zen, eta herritarrei eta bereziki gazteei eskaintzen zaien zerbitzua hobetzeko, esleipen berria egingo dugu.
140
Gazteria eta prebentzio komunitarioa
Bizikidetza mahaia sortzea
Auzoetan sortzen diren bizikidetza arazoei aurre egiteko mahai politiko-teknikoa-soziala jarriko dugu martxan.
141
Gazteria eta prebentzio komunitarioa
Osasunaren Prebentziorako programa berria martxan jartzea
Osasunaren prebentzioaren lanketaren barruan “Gorputz aniztasunaren onarpena eta osasun fisiko eta mentala bermatzeko” hitzaldi-programa jarriko dugu martxan.
142
Gazteria eta prebentzio komunitarioa
Guraso eskola hitzaldiak antolatzea
Gazteei eragiten dieten hainbat gaiei buruzko hitzaldiak antolatuko ditugu, kasu honetan, gurasoei zuzenduta.
Urteko balorazioa
Igor Enparan Araneta
Alkatea
Estitxu Urtizberea Sorzabal
Hiri eta Lurralde-Antolamendua
Josu Peña
Gizarte Zerbitzuak
Garoa Lekuona Izeta
Euskara, Ingurumena eta Energia