1996tik aurrera ospatzen den egun zinez sinbolikoa da Udaleko Nekazaritza Sailetik koordinatzen den Zuhaitz Eguna herritarrentzat, eta gaztetxoenentzat bereziki, zuhaiztiak mantendu eta hedatzeko egin behar den eguneroko ahalegina baloratzen baitute, natura zaindu eta babestuz, eta etorkizunean gure basoen zaintza euren esku izango dela ulertzen laguntzen baitie.
Kanpoko faktoreen (eguraldia, bereziki) menpe dagoen jarduera bada ere, izaera ludikoa eta ospakizunez beterikoa izaten da, zuhaitz bat landatzeko ekintza sinbolikoaren aurrean guraso, senitarteko eta haurrak batzen dituena. Eta halaxe, urtero errepikatzen den ekintza dugu:
- Aurreko urtean jaiotakoek zuhaitza landatuko dute, guraso eta senitartekoen laguntzaz, eta saio bakoitzerako aukeratu diren espezieetakoak izango dira.
- Bestalde, 7 urte bete dutenei makila ematen zaie.
Elkarrekin hazi eta heltzen diren haur eta zuhaitzak
Aurrez zehazten den gunea birpopulatuko duten espezieak aukeratzen dira urtero. Gune hori kale moduko zerrendetan banatzen da, eta zerrenda bakoitzean haur jaioberriei egokitu zaien zuhaitzak landatzeko zuloak egiten dira.
Kale horietako bakoitzaren izena hondarribiarentzat garrantzizkoak ziren kostaldeko, mendialdeko edota erreka eta errekastoetako izenak aukeratu ziren, horietako asko garai bateko egunerokotasunean eragin handia zutenak baina gaur egun ia ezagutu ere egiten ez direnak. Toponimiako izen horiek gehiagorako ematen ez zutenean, berriz, Hondarribian diren eta izan diren (udaleko agirietako erreferentzietan ageri diren) baserrien izenak ematen hasi ziren kaleei.
2023ko edizioa
2022an jaiotakoak
Zuhaitz Eguna goizeko 11:00etan hasiko da. Ordu horretan bertaratzeko eskatuko zaie 2022an jaiotako haurrei, euren guraso, anai-arreba eta senitartekoekin batera.
Eta ordu bete beranduago, eguerdiko 12:00etan, izango da 2016an jaiotako neska-mutikoen txanda. Horiei makila bana emango zaie, zazpi urte bete izanagatik.
Makilak Haurrei dei egingo zaie ordu desberdinetan, eta, iritsi ahala, ilaran jarriko dira, distantziarekin eta abar, pilaketarik sor ez dadin.
2023/03/18
Zuhaitzak
- 2022: 11:00
Makilak
- 2016: 12:00
Ametzak (Quercus pyrenaica)
Kontu Txikiak
Oparitu dizuegun Kontu Txikiak materialarekin aukera izango duzue gure hizkuntzan eguneroko esaerak eta leloak erabiliz zuen haur txikiekin jolasteko. Ez dudarik izan eta egokiera aprobetxatu haien munduan euskaraz murgiltzeko. Liburuxka eta pendrive hauekin erraza da eta gustura ibiliko zarete.
Haurrek txikitan entzundako hitz goxoak eta doinuak euren memoria sakonenean gordeko dituzte eta hemen gaituzue horretan laguntzeko asmoz.
