Zer da eskutan duzun hori? - Maider Garcia De Vicuña Quintana

• Helduei eta haurrei irekia (haurrekin jarduera bat egingo da) 

Helburua haurrei beren gorputza osotasunean ezagutzen, onartzen eta maitatzen laguntzea da. Horregatik, modu errazean hurbildu nahi ditugu genitaletara, gehiegitan ezkutuan, izenik gabe eta gaizki tratatzen baitira. Aldi berean, tresna berri hau eskaini nahi diegu familiei txikitatik sexualitatearen inguruan lan egin ahal izateko.

Alu eta Zakil protagonista atseginak dira, dena modu errazean azaltzen dute eta haurrei naturaltasunez joka dezakegula irakatsiko diete, gorputza bere osotasunean ulertuz eta maitatuz.

"Sexualitatea lantzeko modua, etxean zein eskolan, hobetu egin bada ere, askok ez dituzte ezagutzen genitalen izenak, anatomia, nola funtzionatzen duten eta nola zaindu."

Pixkanaka gauzak aldatzen doazen arren, Maiderrek esan digu oraindik tabuak ditugula jendearen artean, liburu honek genitalak naturaltasunez ezagutzea eta izendatzea proposatzen digu.

Maider Garcia de Vicuña Quintana

Sexologoa eta psikologoa, 20 urte haurrekin, gazteekin, familiekin eta hezitzaileekin sexu-prestakuntzan lanean. Maider da ipuin honen testuaren egilea.

Josune Garcia de Vicuña Quintana

Hezitzailea eta ilustratzailea da, eta harenak dira ipuin honen ilustrazioak.