Edukira joan
Mostrar/ocultar menú principal de navegación [eu]

Hondarribia

Habiaratutako portletak
Web edukia bistaratu
Habiaratutako portletak
Jaizkibelgo kontserbazioa
Atzealdea

Zabalkundea, Sentsibilizazioa eta ingurumen hezkuntza

Herriko balio eta ondare naturalaren dibulgazioa eta zabalkundea oso garrantzitsua da Udalarentzat. Hori dela-eta, kudeaketa- eta ikerketa-lanekin batera, 2011z geroztik, sentsibilizazioari eta ingurumen-hezkuntzari buruzko hainbat ekimen egin dira udalerrian.

Ibilbide gidatuak eta hitzaldiak

  • Ikerketa-eremuetara irteera gidatuak.
  • Gai ezberdinak jorratuz hitzaldiak udaletxean zein herriko ikastetxeetan.
Zaldiak
 
Argazkia: Jexus Azkue
Jaizkibel
 
Argazkia: Jexus Azkue

Auzolanak eta tailerrak

  • Herritarrekin, habitaten aldeko ekimenak auzolanean: zuhaitz-landaketak, landare inbaditzaileen erauzketak, zabor-bilketak eta putzuen eraikitzeak.
  • Umeekin ingurumen-tailerrak: igel baten bizi-zikloa eta bere habitata den putzua ezagutzeko tailerra, eta Jaizkibelen erraz aurki daitezkeen lilipa eta sorgin-orratza egiteko eskulanak.
Auzolanean landare inbaditzaileak erauzten
 
Argazkia: Aranzadi Z.E. – Botanika Saila.
Tailerrak
 
Argazkia: Aranzadi Z.E. – Botanika Saila.

Hezkuntza arloko material didaktikoaren sorkuntza

  • Jaizkibelgo errekei buruzko komikia: Jaizkibelgo errekak: natura tantaz tanta.
  • Kapen karta jokoa eta posterra.
  • Jaizkibelgo espezieen irudiekin ogitarteko bildukia herriko ikasleentzat
  • Bertako basoaren berreskurapena helburu duten eskoletan martxan jarritako proiektuetan parte-hartzea: Ameztu Jaizkibel (Steam proiektua) eta Basoak ernatzen proiektuak (Eskolako Agenda 2030).
kapen jolasten
 
Argazkia: Dani Blanco (Argia).

Kongresuak, erakusketak eta argitalpenak

  • Jaizkibelgo habitat eta espezieen argazkiekin osatutako 2018. urteko egutegia: Jaizkibel. Ireki mundua naturari.
  • 7 panelez osatutako erakusketa irekia Jaizkibel mendian bertan.
  • Herriko landare inbaditzaileen triptikoa: Landare inbaditzaileak Hondarribian
  • Proiektuen zabalkunderako ingurumen-kongresuetako parte-hartzea: Jaizkibelgo balio naturalari eta kulturalari buruzko sinposioa (Lezo, 2012), Natur Zientzien 2. Topaketa (Donostia, 2015) eta XII Botanika Piriniotar-Kantabriarraren nazioarteko XII Biltzarra (Girona, 2019).
interpretazio zentro difusio
 
Argazkia: Aranzadi Z.E. – Botanika Saila.