• Izenematea komeni da

Hondarribipedia (Hondarribiko Wikipedia) hirian jaiota edo bizitako idazleekin eta haien ondarearekin lotutako material guztiarekin aberasteko lan bateratua proposatzen dugu. Gaur egun, Hondarribiko liburutegiko tokiko atalean egile horiekin lotutako material fisikoa dago, eta Hondarribitekan (webgunea), berriz, funts horren digitalizazioa eta deskribapena egiten ari gara.

Gainera, Hondarribia aldizkarian dagoen informazioa hustu eta deskribatuko dugu. Honekin guztiarekin, proiektu honen helburua eskura dagoen informazio guztia batu eta biltzea da: Hondarribitekan digitalizatutakoa, liburutegiko tokiko atalean dagoena eta Hondarribia aldizkarian agertzen dena. Hori guztia Hondarribipedian integratuko da, Hondarribiko historiari buruzko baliabide osatu eta eguneratu bat sortzeko, Wikipediaren bidez guztiontzat eskuragarri egongo dena. 

Hasierako tailer hauen helburua wikipediaren nondik norakoak azaltzea eta martxan jartzea izango da.