Aplikazio habiaratuak
Aplikazio habiaratuak
Gaurkotasuna
Atzealdea Udalak Hondarribiko Jaizkibeleko pistak eta baso-bideak kontserbatzeari eta ibilgailu motordunekin erabiltzearen inguruko ordenantza egingo du
Udalak Hondarribiko Jaizkibeleko pistak eta baso-bideak kontserbatzeko eta ibilgailu motordunak erabiltzearen inguruko ordenantza egingo du. Hala, gaur otsailaren 3an, astelehena, hasiko da ofizialki ordenantza idazteko administrazio-prozesua, aldez aurreko kontsulta publikoaren epearekin.
Kontsulta honetan, herritarrek honako puntu hauei buruz duten iritzia jasoko da:
- a.- Ekimenarekin konpondu nahi diren arazoak.
- b.- Ordenantza onartzeko beharra eta aukera.
- c.- Arauaren helburuak.
- d.- Egon daitezkeen ordezko irtenbide erregulatzaileak eta ez-erregulatzaileak.
Jaizkibeleko pisten eta baso-bideen sarea ezinbesteko eta funtsezko elementua da Jaizkibel –ingurumen erreferentea, eta ondorioz Natura 2000 Sarekoa eta Kontserbazio Bereziko Eremu gisa sailkatua–, mendiko natura ondarea kontserbatzeko eta haren aberastasunerako sarbidea izateko. Gainera, formazio geologiko bikainak, aniztasun handiko paisaiak eta kultura ondare garrantzitsua ditu.
Pista eta bideen sarea, gainera, funtsezko elementua da zerbitzuen azpiegituretarako, larrialdi eta babes zibileko zerbitzuetarako, eta mendian jabetzak dituzten edo bizi diren eta jabetzen eta pertsonen edo bisitarien igarobidearen gaineko eskubideen titularrak diren pertsonak komunikatzeko. Azken urteetan asko ugaritu da ibilgailu motordun mota guztien erabilera pistetan eta baso-bideetan, eta horrek arriskuan jartzen du pisten eta bideen osotasuna, kontserbazioa eta funtzionaltasuna, eta gutxietsi egiten ditu mendiaren beraren natura-ondarearen balioak.
Errealitate hori ikusita, Hondarribiko Udalak beharrezkoa ikusi du arau-esparru bat ezartzea pista eta bide horietan ibilgailu motordunen erabilera antolatzea, bide horien mantentze lana, kontserbazioa eta funtzionaltasuna bermatzeko, pertsona guztiek erabili ahal izatea ziurtatzeko eta bideen ingurunea eta mendiaren natura-ondarea zaintzeko. Arau-esparru horrek ordenantza forma hartuko du eta dagoeneko idazten hasi gara.
Pasa den astean Udalak bilera egin zuen Alkartasuna Elkartean inguruan bizi diren baserritar, erabiltzaile, ehiztari edota interesa izan zezaketen herritarren.
Helburu nagusiak
Ordenantzaren helburu nagusia da bide eta pistetan ibilgailu motordunen erabilera antolatzea honako hauetarako:
- Pista eta bide horiek pertsona guztiek behar bezala erabil ditzaten arautzea
- Mantenimendua, kontserbazioa eta funtzionaltasuna bermatzea,
- Euren inguruneko eta pista eta bide horiek kokatuta dauden mendiko natura-ondarea zaintzea
Nola parte hartu
Ordenantza berriaren prozesuak herritarrekiko parte hartze eta gardentasun prozesu bat dakar, hainbat fasetan zehar egiten dena, behin betikoz onartzen den arte.
Otsailaren 3tik otsailaren 24ra bitartean irekiko da aurretiazko kontsulta publikoa egiteko epea. Bi modutara parte har daiteke:
- Aurrez aurre BAZn (Javier Ugarte kalea 6)
- Erregistro elektronikoaren bidez.
Informazio osoa: https://www.hondarribia.eus/eu/zaindu-dezagun-jaizkibel