Udala pozik agertu da udal eraikinetako garbiketa zerbitzuko grebaren aurreakordioarekin.

Txomin Sagarzazu alkatea eta Juan Mari Altuna lehen alkateordea, Udalaren ordezkari gisa, enpresaren ordezkariak eta udal-zerbitzuetako garbiketa-zerbitzuko langileen ordezkariak aurreakordio batera iritsi dira gaur Donostiako Lan Ordezkaritzan izandako bileran.

Udalaren proposamena oinarri hartuta, aurreakordio horrek udal-eraikinetako grebari amaiera emateko eta zerbitzuaren hitzarmena eguneratzeko balioko du.

Aurreakordioa zerbitzuko langileen batzarrean proposatuko da, aztertu eta berresteko, hala irizten badiote.

Txomin Sagarzazu alkateak eskerrak eman nahi dizkio Victor Monreal Gipuzkoako Laneko lurralde-ordezkariaren bitartekaritza lanari.