Edukira joan
Mostrar/ocultar menú principal de navegación [eu]

Hondarribia

Habiaratutako portletak
Web edukia bistaratu

Gaurkotasuna

Gaurkotasunaren xehetasuna

Eduki publikatzailea
Atzealdea

Udala eta EMEKI Elkartearen artean ekitaldi ugari antolatu dira datorren Azaroaren 25ari begira

Bihar ostirala arratsaldeko 19:00etan ‘Nagore' dokumentala proiektatuko da, ondoren Asun Casasolarekin solasaldia izango delarik

2021·11·18

Azaroaren 25ean, Emakumeen aurkako Indarkeria Ezabatzeko Nazioarteko Eguna dela eta, Hondarribian antolatutako jardueren aurkezpenaren lekuko izan da Udaletxeko Areto Nagusia. Ekitaldian Txomin Sagarzazu alkateak, Gotzone Larrarte Berdintasun zinegotziak eta EMEKI Elkarteko Maria Jesus Berrotaranek eta Koro Bidaurretak hartu dute parte.

“Azaroaren 25a ez da ospakizun eguna eta urte osora zabaldu behar da” esan du Txomin Sagarzazu alkateak. “Aukera ona da hain gai larriari buruzko ezagutzan eta sentsibilizazioan sakontzeko. Denok elkartu behar dugu indarkeria matxistaren aurka agertzeko, eta uste dugu prozesu horretan ahalik eta gizarte-eragile gehien inplikatuz egin behar dugula”.

Gotzone Larrarte Berdintasun zinegotziak “EMEKIren etengabeko lana” eskertu du. “Argi utzi nahi dut urte osoan biktimen arretan eta prebentzioan lan egiten dugula, emakumeen segurtasuna hobetzen saiatuz, baina egun hauetan gehiago areagotzen dugu, ahal bada”.

Jarduera ugari

Udal Liburutegiaren eta Marlaxka Xake Elkartearen laguntzarekin, azaroan hainbat ikastaro eta hitzaldi egin dira, batez ere emakumeari zuzenduak, hala nola joan den hilaren 8an Leontxo Garcíak eskaini zuena eta atzo proiektatu zen 'La Reina de Katwe' filma.

Ostiralean, arratsaldeko 19:00etan, Helena Tabernaren 'Nagore' dokumentala eskainiko da Itsas Etxea Auditoriuman. Ondoren, solasaldia egingo da Asun Casasola Nagoreren amarekin.

“Ostegunean, hilak 25, arratsaldeko 19:00etan, Itsas Etxea Auditoriumean, 'La historia de todas nosotras' filma proiektatuko da. El Salvadorreko hainbat emakumek kartzelan bizi izan zuten historia gogorra kontatzen duen filma da, eta amaieran dantza ikuskizun bat izango da” dio Larrarte zinegotziak.

“Hondarribiko elkarte askoren parte hartzearekin, 'Zapata gorriak' ekimena jarriko dugu abian, emakumeen aurkako indarkeriak gizartean duen eragina argi ikus dadin. Hilaren 24an Itsas Etxean egingo den ekitaldi batean, zapata gorri pare bat jarriko dira 2021ean hildako emakume bakoitzeko. Ideia Elina Chauvet artista mexikarraren lanean oinarrituta dago. 40 elkartek parte hartu dute, eta eskerrak eman nahi dizkiet hasiera-hasieratik parte hartzeagatik eta erakutsi duten inplikazioagatik. Zapata gorri guztiak hilaren 25ean jarriko dira Martxoak 8 plazan.

Emeki Elkartearen inplikazioa

Maria Jesus Berrotaranek EMEKI Elkarteak antolatzen dituen jarduerak zehaztu ditu. “Ekimenetako bat Emekiren tximeleten lokal osoa estaltzea izango da. Indarkeria matxistaren eta bikarioaren biktima guztiak gogoratzeko margotu dira.

Proposamena Mirabal ahizpa dominikarren istorioan oinarrituta dago. 'Las Mariposas' izenez ezagutzen ziren, 1960ko azaroaren 25ean erahil zituzten. Mugimendu feministek indarkeria matxista gaitzesteko erabili zuten data hori, eta, horren ostean, Nazio Batuen Erakundeak Emakumearen aurkako Indarkeria Desagerrarazteko Nazioarteko Eguna deitzea erabaki zuen XX. mendearen amaieran.

Hilaren 25ean ere kontzentrazioa egingo dugu Martxoak 8 Plazan, 18: 30etik aurrera. Udalarekin batera antolatu ditugu jarduerak, eta eskerrak eman nahi dizkiogu izan duen inplikazioagatik” gehitu du Berrotaranek.

Ekitaldi guztietarako sarrerak, doakoak, aldez aurretik ARMA PLAZAren bulegoan edo Kutxabanken webgunean eskura daitezke.