"Treba Gurasoak", Gipuzkoako Foru Aldundiko Gazteria Zuzendaritzak bultzatutako prestakuntza-ekimena da, eta proiektuarekin bat egiten duten udalen bitartez bideratzen da. Proiektuaren helburu nagusia haurren eta nerabeen bizi-kalitatea eta aukerak hobetzea da, gurasoak hezkuntza-gaitasunetan trebatuz. Hazkuntzak dakartzan hezkuntza-erronkei aurre egiteko funtsezko ezagutzak transmititzeko tresna arin eta eraginkor gisa aurkezten da proiektua.

Hezkuntza erronka-lana da, eta trebetasun eta ezagutza espezifikoak eskatzen ditu. Behar horri erantzuteko, "Treba Gurasoak" guraso guztiei prebentziozko orientazioa eta laguntza eskaini nahi die, familiaren garapen integrala sustatzeko helburuarekin. Proiektuaren ikuspegia gurasotasun positiboan oinarritutako eskaintza pedagogikoan oinarritzen da, eta aitatasuna eta amatasuna gure gizartean gauzatzeko moduan izandako funtsezko aldaketa aitortzen du.