Emakumearen Nazioarteko Eguna dela eta antolatutako ekitaldien baitan, martxoaren 8an, igandea, mugaz gaindiko manifestazioa egingo da Hendaia, Irun eta Hondarribia zeharkatuz. Mobilizazioaren ondorioz, trafikoan eta hiri-autobus zerbitzuan aldaketak izango dira.

Hiri autobus zerbitzua

12:00etatik 14:00etara, honako hiru geraleku hauek indargabetu egingo dira:

• San Juan de Dios Plaza
• Sabin Arana (igogailua)
• Itsas Etxea

Denbora tarte horretan, zerbitzua Biteritik abiatuko da, Santa Engrazian buelta eman eta Iturriberrira joango da. Ondoren, ohiko ibilbideari helduko dio.

Trafiko mozketak

Manifestazioa aurrera joan ahala, unean uneko trafiko mozketak egingo dira mobilizazioa igaroko den kaleetan. Eraginpeko gune nagusiak ondorengoak izango dira:

• Amutalde
• Amuteko biribilgunea
• Aireportuko errepidea
• San Juan de Dios
• Minasoroeta 
• Sabino Arana
• San Kristobal

Mobilizazioak irauten duen bitartean, hiriko sarrera eta irteerako trafiko guztia Kostako errepidetik bideratuko da.