Otsailaren 20an hasi eta bi astez, ‘Kalez Kale Hondarribia hobetzen' lan-programa hiri erdian egiten ari den hobekuntzek urrats garrantzitsua emango dute. Hala, Bidasoa Ibilbidean, Irun eta Axular kaleetan fresatze, asfaltatze eta margotze lanak egingo dira, eta bi astez trafikoa itxita egongo da. Hala eman dute aditzera Txomin Sagarzazu Alkateak eta Gonzalo Carrión Obra eta Zerbitzuetako zinegotziak inguru horretan bertan emandako prentsaurrekoan.
Txomin Sagarzazu Alkateak hartu du hitza: “Iazko martxoaren hasieran aurkeztu genuen ‘Kalez Kale Hondarribia hobetzen' ekintza plan integrala, Hondarribiarentzat mugikortasun bidezkoagoa, iraunkorragoa eta seguruagoa lortu nahi duena, edozein garraiobide erabiltzen dela ere. Ordutik, Hondarribiko hainbat gune hobetu dira, oinezkoa eta bizikleta lehenetsiz, ondoren garraio publikoa, eta azkenik, ibilgailu pribatua. Ordutik, Udalak Gibeleta kalea birrurbanizatu du Mendelun, baita Kosta kalea, Txiplao Industrialdea, Errebellin kalea, Harresilanda kalea, Donostia kalea, eta berrikiago, Nestor Basterretxea eta Baserritar Etorbidea kaleak ere..
Urtarrilaren erditik, ‘Kalez Kale Hondarribia hobetzen’ Sabino Arana, Axular eta Irun kaleetara eta Bidasoa Pasealekura iritsi da, hiriaren erdigunean, non beti dagoen trafiko-bolumen handiena. Badakigu eguneroko trafikoarekiko afekzioak handiak izaten ari direla, eta orain garrantzi handia duen urrats bat eman behar dugu. Prentsan eta sare sozialetan ongi iragarriko dugu, baita udal web gunean ere https://www.hondarribia.eus/eu/lanak atalean. Horrez gain, Ama Guadalupekoa ikastetxeari informazioa helaraziko diogu, baita inguruko portalei ere” zehaztu du Sagarzazuk.
Bi astez trafiko mozketak
Bidasoa ibilbidea, Axular eta Irun kaleak itxi egingo dira bi astez astelehenetik. Jakitun gara horrek sortuko dituen arazoak handiak izango direla hondarribiar askoren egunerokotasunean. Ahal den neurrian, horri aurre egiteko, bi aste horietan Bentako aparkalekuan eta Portuko kaleetan TAO zerbitzua bertan behera utziko dugu.
Gonzalo Carrion Obra eta Zerbitzuetako zinegotziak proiektuaren bosgarren faseari buruzko informazio gehiago eman du. “Dakigunez, helburua da esku-hartzea eta erdialdeko kaleak -Sabino Arana, Bidasoa Ibilbidea, Axular kalea eta Irun kalea- hobetzea.
Azken bost aste hauetan lana Bidasoa Ibilbidean, eta Axular eta Irun kaleetan zentratu da. Hor dagoenik amaitzen ari gara, eta orain ezinbestekoa dugu bi astez ixtea. Esango nuke obraren unerik zailena dela, eremu hauek amaitzen direnean, Sabino Arana kalera pasako baikara, baina orain amaituko ditugun kaleak irekitzen direnean, errazago izango da lanekin aurrera egitea, trafikoa kale horietatik joango baita.
Bi aste iraungo dituen urrats hau emateko, esan behar da Bernat Etxepare kale bi noranzkokoa izango dela, nahitaez trafikoa bermatzeko. Bentako aparkalekura sartzeko Bernat Etxepare kaletik egin beharko da. Bidasoa Ibilbideko eta Irun kaleko kontenedoreak tokiz mugituko dira Sabino Arana kalera, Txingudiko Zerbitzuek ongi iragarriko dutelarik inguruan bertan.
Herritarrei eskerrak eman nahi dizkiet, jakin badakigu eta zer nolako arazoak sortzen diren mozketa hauekin, baina ezinbestekoak dira. Ahalik eta azkarren egin behar dugu eta horretan ari gara.
Bosgarren fasearen aurrekontua 930.505,22 eurokoa da, eta esku hartzeko epea 6 hilabetekoa. Kalez Kale Hondarribia Hobetzen 'programaren guztizko kopurua 3.329.404,07 eurokoa da, eta espero dugu azken fasea, hasi berria eta orain ardatz dena, helburu oinezkoentzako bide lasai eta handiagoak izatea duena, ekainean amaitzea.
Informazio gehiago: https://www.hondarribia.eus/eu/lanak