Udala Txiplao eta Santa Engraziako zebrabideetan esku-hartzeak egiten ari da, txirrindulariek legez gurutzatzeko baldintzak bermatzeko behar diren egokitzapenak gauzatu eta, aldi berean, bizilagunen segurtasuna hobetzeko.

Santa Engraziako zebrabidean egiten ari diren lanak direla eta, errepidea itxita egongo da Santa Engraziatik Gabarrariko biribilguneraino gaurtik (abenduak 10) bihar arratsaldera arte (abenduak 11). Trafikoa bideratzeko  bypass bat ezarri da Alameda kaletik.