Azken egunotan pairatzen ari garen muturreko tenperaturak direla eta, Hondarribiko Udalak herritar guztiei arduraz eta zuhurtziaz jokatzeko deia egiten die San Joan suaren ospakizunen harira.

Bero handiak sute-arrisku egoerak areagotu ditzake, bereziki landa eta baso eremuetan. Horregatik, ezinbestekoa da Eusko Jaurlaritzaren LABIk emandako gomendio eta jarraibideak betetzea.

San Joan gaua gure tradizio eta kulturaren parte da. Goza dezagun ospakizunaz, baina betiere segurtasuna lehenetsiz eta pertsonen zein ingurumenaren babesa bermatuz.