Hondarribiko Udalak hiriaren ondarea babesteko konpromiso irmoa adierazi nahi du. Hirigintza Sailak Moskenea baserriko obran gertatutako egoeraren berri du, eta aztertu eta dagokion espedientea hasiko du.

Udalak Moskenea berreraikitzeko lizentzia eman zuen, eta oso modu zehatzean zehazten zen zeintzuk ziren egungo araudiaren esparruan garatu zitezkeen jarduketak. Datozen egunetan gertatutakoa aztertuko da, eta jarduera horiek gehiegizkoak izan badira, zigor eredugarriak ekar ditzaketen neurriak hartuko dira.

Gobernu Taldeak eskertu nahi du Abotsanitz taldeak hiriko ondarearen alde erakutsitako interesa, baina, era berean, arduratsuak izateko eta zalantzak eta susmoak sortzeko mezurik ez emateko eskatu nahi die, horretarako oinarririk izan gabe.

Hiriko ondarea defendatzeko bidean aurkituko gaituzte, baina ez aztoramenera eta gaizki pentsatzera eramaten gaituenean, jarduteko ohiko formula baita.