Mihilua greziar erara
Osagaiak
- 4 ale mihilu
- 1 limoi
- tomate saltsa
- 2 tipula txiki
- 100 g Feta gazta
- Oliba beltzak (hezurrik gabe)
- 1 koilarakada ogi birrindua
- Perrexila
- Piper beltza
- Gtza
Elaborazioa
Mihiluari hostoa kendu, garbitu eta erdibitu. Mihiluak erdian duen zati gogorra kendu eta hosto berde gutxi batzuk gerorako gorde. Jarraian, limoia garbitu, azala birrindu eta zukua atera. Gero, mihilua uretan limoi zukuarekin egosi 15-20 minutuz eta behin egosita, mihilua uretatik atera. Labea 180º-tan berotu.
Bitartean, mihilua labeko ontzi batean jarri eta nahierara gatza eta piper beltzaz ondu eta gainean, tomate saltsa zabaldu. Gerorako utzi.
Ondoren, tipula, perrexila eta mihiluaren hosto berdeak ondo txikitu. Gazta karratu txikitan txikitu eta tipula, perrexila eta mihilu hostoekin nahastu. Nahasketa honi, limoi azala eta ogi birrindua bota eta dena ondo nahastu ondoren, labe ontzian zabaldu, tomate saltsaren gainean.
Azkenik, olibekin apaindu eta 30 minutuz gainerre.