Mendeluko Auzo Elkarteak deituta, atzo ostegunez, Mendeluko lan mahaia bildu zen Udaletxean.  Hala eman du aditzera Maria Serranok, Hiritarren Arretarako zinegotziak.

“Elkarteko, EAJko gobernu taldeko, ABOTSANITZeko eta PSEko ordezkariek parte hartu zuten hitzorduan, Mugondo, Josu Langile eta Los Planetaseko eraikinen diagnosi-azterlanak kontratatzeko erabakiak hartzeko prozesuan aurrera egiteko helburu nagusiarekin. Laguntzak erraztu eta izapidetuko dituen auzo-bulego bat abian jartzeko, aldez aurreko azterlan bat egin behar da, eraikin bakoitzaren birgaitze-beharrak zehaztuko dituena” esan du Serranok.

“Lan-mahaian erabaki zen azterketak egingo dituzten enpresen azkartasuna eta hurbiltasuna lehenestea kontratazio horiek egiteko garaian. Diagnostikoen emaitzak jakiten hasitakoan, Open Gela delakoaren lizitazioa prestatuko da. Bulego horrek aholkuak emango ditu eta laguntzak izapidetuko ditu, komunitateek birgaitze-obrei aurre egin ahal izan diezaieten.

“Mendelu auzoa birgaitzeko prozesuan urratsak ematen jarraitzeko konpromisoak mantentzen dira, eta hartutako erabakiak dira horren froga” amaitu du Serranok.