Maiatzaren 8tik 10era, Bidasoa Itzulia eta XV. Hondarribiko Triatloia jokatuko dira. Ondorioz, trafikoan hainbat murrizketa eta aldaketa izango dira hiriko gune ezberdinetan. 

Maiatzak 10, igandea: Bidasoa Itzuliaren hirugarren etapa

Igandean, Bidasoa Itzuliaren hirugarren etapa 10:30ean abiatuko da Hendaian, eta helmuga Irunen izango da. Txirrindulariak Hondarribiatik 10:40 eta 11:00 artean igaroko dira. 

Ibilbidea honako hau izango da: Mendelu – Amute – Aireportua – Santa Engracia – Txiplao – Labreder – Baserritar etorbidea – Higer bidea – Guadalupe – Labreder – Santa Engracia – Aireportua – Amute – Mendelu.

10:10etatik aurrera, trafiko mozketak egingo dira hainbat puntutan, hala nola Aireportuko biribilgunean, Santa Engrazian, Txiplaon (Muliate aldetik erabat itxita), Arrokan eta Higer bidean. Azken honetan, jaitsiera guztiz itxiko da 10:30etik aurrera.

Udaltzaingoak herritarrei gomendatzen die egun eta ordutegi horietan ibilgailu pribatuaren erabilera saihestea eta joan-etorriak aldez aurretik planifikatzea.