KOSTA KALEA HOBETZEN proiektua diseinatuko da Kosta kaleko mugikortasuna hobetzeko eta herritarrek antzemandako arazoei irtenbidea emateko. Mugikortasunaren Europako Astearen esparruan, eta Ama Guadalupekoa eta Talai Alai egindako jarduerak diseinatzeko erabilitako partaidetza-metodologia berari jarraituz, udalak herritarrei irekitako partaidetza-ekitaldi bat programatu du, inguruko mugikortasuna hobetuko duen proiektuari hasiera emateko.

Ekitaldia irailaren 22an izango da, Amute-Kostako Auzo Elkartean, Komentutxiki kaleko 30. zenbakian. Saioa 18:30ean hasiko da, eta parte hartzeko prozesuaren hasierako aurkezpen bat eta ibilaldi kritiko bat izango ditu. Ibilaldi horretan, bertaratuek in situ planteatu ahal izango dituzte hautemandako arazoak, konponbidea eman behar zaiela uste baitute.