Udalak, Hondarribiko Katuak elkartearekin batera, katuen hiri-koloniak kudeatzeko eta kontrolatzeko kanpaina jarri du abian. Juan Luis Silanes Ingurumen zinegotziak eman du horren berri Juan Laborda kalearen inguruan eman duen prentsaurrekoan.

“Ekimenak hainbat helburu ditu. Alde batetik, katuen koloniak babestea eta kontrolatzea, hiriko katuen errolda eguneratua sortzea, animalien ongizatea lortzea kolonia felinoetan, eta, horrela, gainpopulazioak eragindako arazoak saihestea”.

Hiriko hainbat gunetan informazio-panelak jarri ditugu, hala nola Sabino Arana kalea eta Juan Laborda kalea banatzen dituen gunean, Higer itsasargiaren inguruan, eta Kosta kalean, katuen koloniak daudela ikusi baitugu” zehaztu du Silanesek.

Kontrola CES metodoaren bidez egiten da (harrapaketa, esterilizazioa eta askatzea). Metodo hau kolonia jakin bateko katu guztiak edo gehienak harrapatzean datza, antzutzeko eta beren lurraldera itzultzeko.

Prozedura erraza da, eta ez da mingarria, katua anestesiatuta dagoenean egiten baita. Ez dio kalterik egiten animaliaren estetikari, eta eraginkorra da, berriro harrapatu behar izan gabe jada KES kontrolatu dela jakiteko aukera ematen duelako.

Ez elikatzearen garrantzia

“Udalak, Hondarribiko katuak elkartearen laguntzarekin, katu hauek elikatzen ditu. Garrantzitsua da soilik pertsona laguntzaile hauek izatea elikatzen dituztenak, elikadura desegokia kaltegarria izan baitaiteke animalientzat, eta zaborragatik, janari ustelagatik eta abarrengatik osasungarritasunik eza susta baitaiteke.

Pentsua eta janari hezea besterik ez zaie ematen, arratoiak eta beste animalia batzuk ager ez daitezen. Gainera, janaria ingurunearekin bat datorren era etiko eta osasungarrian ematen zaie, ontziak edo zaborrak utzi gabe eta beti leku berean edo zehatzetan utziz, eta ez inguruan barreiatuz.

Garrantzitsua da azpimarratzea gaizki zauritutako katuek dagokien albaitaritza-tratamendua jasotzen dutela. Ahal bada, kalean, eta bestela, harrera-etxeetan” amaitu du Silanesek.