Hondarribiko hondartzako zaintza eta sorospen zerbitzuek hiru karabela portugaldar ikusi dituzte, eta, beraz, zuhurtasun-printzipioari jarraituz eta herritarren onerako, bandera horia aktibatzea erabaki da. Bisitariei eta bainulariei bainuak arretaz hartzea gomendatzen zaie.

Datozen orduetan karabela portugaldar gehiago atzemango balira, bandera gorria ezarriko litzateke eta, ondorioz, bainatzea debekatuko litzateke.