Hondarribiko Udaleko Ingurumen Sailak 2024ko Bertako Produktuaren Asteko Kartelaren ediziorako lehiaketa ireki du. Uztailaren 5ean ireki zen epea eta hilaren 22an itxiko da.

Udalak sormena eta parte-hartzea sustatu nahi ditu astearen antolaketan. Kartela originala, argitaragabea eta teknika askekoa izango da eta ez da adimen artifizialaren bidez bakarrik sortuko.

Aurkeztutako artxibo digitala azken obratzat hartuko da eta ezingo da aldatu bidali ondoren. Kartelaren tamaina 70 x 50 zm-koa izango da, formatu bertikalean. Neurri horietara egokitzen ez diren lanak ez dira lehiaketan onartuko.

Informazio osoa: www.hondarribia.eus/eu/-/2024ko-bertako-produktuaren-asteko-kartel-lehiaketa