Gaur goizean HondarriBira 10k 'ekimena aurkeztu da, 10 kilometroko zirkuitua, erdihiritarra eta oso-osorik Hondarribian kokatua, lasterketaren eta ibilaldiaren praktika ez lehiakorrerako egokia. Aurkezpenean Juan Luis Silanes Kirol zinegotziak eta Iñigo Eseverrik parte hartu dute, Bidasoa Atletiko Taldearen (BAT) ordezkari gisa. Ekitaldian izan dira ere Joseba Sarriegi, Adur Amilibia eta Iker Arozena ere.

“Helburua da Hondarribiko biztanleen eta bisitarien aire zabaleko kirol-jarduerarako erreferentziazko zirkuitu bihurtzea” esan du Juan Luis Silanesek. “Behar bezala neurtutako zirkuitua da, 10 kilometro zehatzekoa, eta 500 metrotik behin seinaleztatuta dago, erabiltzaileei erreferentziak errazago hartzeko.

“Udalaren helburuetako bat kirola aktiboki sustatzea da. Kirolaren Plan Estrategikoan ageri den moduan, horretarako, azpiegitura eta kirol eskaintza zabala dugu Hondarribian. Baina oraingoan, Molla Ibilbidetik Babes Porturaino doan ibilaldia aprobetxatu nahi izan dugu. Esparru paregabea da kirola egiteko, oinez edo korrika, bide gehiena uraren ondotik”.

Ibilbide nagusia kostaldetik

“Hasiera puntu ofiziala edo 0 kilometroa San Juan de Dios biribilgunean dago. Hala ere, 500 metrotik behin markatutako ibilbide zirkularra denez, erabiltzaileak bertako edozein puntutan sartu ahal izango dira jarduerari ekiteko” zehaztu du Iñigo Eseverrik.

Ibilbidean zehar, zirkuituaren ezaugarriak deskribatzen dituzten bi informazio-panel egongo dira. Era berean, ibilbidearen tracka eta ibilbidearen deskribapena bitarteko digitalen bidez eskuratu ahal izango dute erabiltzaile guztiek.

Ibilbidea sare sozialetan ere erregistratuta egongo da, erabiltzaileek denboran zehar beren jardunaren erregistro estatistiko eta historikoetara sartzeko aukera izan dezaten eta beren erregistroak beste erabiltzaile batzuekin alderatu ahal izan ditzaten.