Gailu horiek testu inprimatuak irakurtzeko eta automatikoki audio bihurtzeko gai dira. Horrela, irakurtzeko zailtasunak dituzten erabiltzaileek liburuen edukiaz autonomia handiagoaz gozatu ahal izango dute. 

Ortzi Alonso Kultura zinegotziak azaldu duenez, “ekimen honen helburua pertsona guztiek kulturarako eta informaziorako sarbide berdina izatea da, autonomia pertsonala sustatuz eta aukera berdintasuna bermatuz”. Gainera, nabarmendu du neurri hau agintaldi planaren barruan kokatzen dela, eta inklusioaren eta udal-gobernuak aukera-berdintasunaren aldeko pausuak ematen jarraitzen duela.

Udal Liburutegiak dagoeneko bazituen irisgarritasuna hobetzeko hainbat baliabide, besteak beste audioliburuak eta letra handiko liburuak. Betaurreko adimendunek, beraz, eskaintza hori osatu eta indartu egiten dute, erabiltzaile gehiagoren beharrei erantzunez.

Betaurreko adimendunek 470 €-ko kostua izan dute eta Eusko Jaurlaritzak teknologia berrien erabilera sustatzeko emandako dirulaguntzaren bidez finantzatu da.

Betaurrekoak erabiltzeko interesa duten herritarrek liburutegira jo eta eskatu besterik ez dute egin behar. Bertako langileek gailuaren funtzionamendua azalduko diete eta behar duten laguntza eskainiko diete.