Zeure burua aurkeztu ezazu, mesedez:

Ane Arruabarrena Larzabal naiz, 26 urte ditut eta Hondarribikoa naiz. Duela 3 urte Bartzelonan bizi naizela, bertan moda arloan prestatzen ari naizelako, zehazki estilismo eta moda komunikazioan. Nire lanaren zati bat, kontzeptu batetik abiatuta look-ak eta argazki saioak sortzea da, bai aldizkari, telebista, marka edota edoizein pertsonarentzako. Nere lanaren beste zati bat irudi aholkularitza da. Eta azkenik, marka edo pertsona baten irudia eta hori komunikatzeko modua hobetzen laguntzea.

Hondarribiko gazte artista edo ekintzailetzat duzu zure burua? Zure ogibidea da zure sorkuntza lanaren emaitza?
Bai, nire burua Hondarribiko artistatzat dut eta bueno, azaldutako lan horiek nire ogibidea izateko bidean nabil, etorkizun hurbilean nire ogibidea izatea da helburua.
 

Hondarribia herri txiki-ertaina izanik artearekin harreman estua du. Nola uste duzu baloratzen dela zure lana testuinguru honetan?
Egia da nire lana ez dela saltzen dudan zerbait eta erabili dezakezuna, jantzi bat bezala, hala ere, jende askori interesgarria eta baliagarria iruditzen zaiola uste dut.

Zure sormen lanak publiko jakin bat du edota zein publikori bideratzen diozu?
Orokorrean, moda gustatzen zaien pertsona guztiei, baina ohituta nago batez ere emakumeekin lan egitera, beraz, nire lana emakumeei bideratuta dagoela esan dezaket.

Zer esango zenioke Hondarribiari?
Artista eta ekintzaileen artean laguntzen jarraitzeko, komunitate polita sortzen ari delako.