Igor Enparan alkateak, Udaltzaingoko buru Patxi Aristizabalekin batera, iragarri du polizia-flotaberritu egingo dela, %100 elektrikoak diren hiru motozikleta hauek gehituta. Horietako batek desfibriladore bat du. Motozikleta elektriko horiek 130 km-ko autonomia eta 31 kW-eko potentzia dute. Horri esker, larrialdi-egoerei premiaz erantzun ahal izango zaie, eta udalerrian dagoen edozein egoera aise erantzun ahal izatea da helburua, kargatu beharrik gabe.

Erosketa hau Udaltzaingoaren ibilgailuen flota pixkanaka berritzeko plan baten barruan kokatzen da, karbono-aztarna murrizteaz gain, agenteen joan-etorrien eraginkortasuna eta praktikotasuna hobetzea ere bilatzen duena. Udalak Garapen Jasangarriko Helburuak (GJH) betetzeko eta energiaren erabilera arduratsurako trantsizioan hartutako konpromisoaren parte ere bada plan hau.

Furgoneta eta garabi bat, hiru patruila-auto, bost motozikleta (horietako bi lur orotarako prestatuak), ibilgailu hibrido bat eta hiru bizikleta elektrikok osatzen dute egungo flota. Erredurazko bi motozikleta erretiratu eta hiru motozikleta elektriko berri horiekin indartzen da ibilgailuen flota.

Ibilgailu elektriko horiek errazago kargatzeko, karga elektrikoko bi puntu jarri dira Udaltzaingoaren instalazioetan, laster hirugarren bat gehitzeko asmoa dagoelarik.

Hornikuntza horiek udalerriak energia garbien erabilerarantz igarotzeko egiten duen ahalegin  zabalagoaren parte dira. Ahalegin horren barruan sartzen da Mendelu eta Amute auzoetako  auzo-elkarteen gizarte-lokaletan eguzki-panelak jartzea, dagoeneko egina dageon lana delarik. 

Ekintza horiek islatzen dute Udaltzaingoak eta Udalak ingurumena babesteko eta mugikortasun iraunkorra sustatzeko duten konpromisoa. Aldi berean, agenteek beren eginkizunak ahalik eta modurik eraginkorrenean betetzeko behar dituzten baliabideak izango dituztela bermatzen dute, baita bihotz-larrialdiei berehalako arreta ematea ere, motozikleta elektrikoetako batean dagoen desfibriladoreari esker.