Joan den urtean Udalak lehiaketa publikora atera ondoren, hasi berriak dira sei komun publiko instalatzeko lanak. Hala jakinarazi du Gonzalo Carrionek, Obra eta Zerbitzuetako zinegotziak.

“Oso urrats garrantzitsua ematen dugu, proiektu honekin Hondarribiak hamar komun publiko izango baititu hiri osoan zehar barreiatuta” Carrion zinegotziak zehaztu duenez. “Guadalupen, Europa Ibilbidean, Martxoak 8 plazan, San Juan de Dios inguruan, Amute kirol-gunean eta Mendelu auzoan kokatuko dira etorkizuneko komunak. Horrela, hilabete gutxi barru, Hondarribiak hamar komun izango ditu, Bentan, Soroetan, Espigoiaren hasieran eta Ramon Iribarren pasealekuaren amaieran daudenak kontuan hartuta.

Mugikortasun urriko pertsonei egokituak

“Sei komun-kabina izango dira, bakarrik garbitzen direnak, erabilera mistokoak eta mugikortasun urriko pertsonentzat egokitutakoak. Guztiek kanpoko pixatoki anizkoitza izango dute, bai eta babes-manpara ere. Erabiliko diren materialak kalitate handikoak, iragazgaitzak, eraso bandalikoen aurkakoak eta higadurarekiko erresistenteak izango dira.

Kanpoko estaldura altzairu ebakiz egina izango da Guadalupen, San Juan de Diosen, Amuten eta Mendelun, beira epelez egina Europa Ibilbidean, eta zeramika handiz egina Martxoak 8 plazan. Material bakoitza komun edo pixatoki zehatz horrek izango duen kokapenarekin bat etor dadin saiatu gara” gehitu du Carrionek.

"Espresa esleipendunak 4 hileko epea dauka fabrikazioa adjudikatu zitzaienetik. Espero dugu apirilaren azken egunetarako lanak amaituta egotea" zehaztu du Carrion zinegotziak..