Ikasturte berri honetan gazteria arloko zerbitzuek hala moduko normaltasuna oinarri izanik, lanean ari dira euren ekintza osasun neurrien baitan eskaini ahal izateko.

Zerbitzuak

Puntaleko egoitzan jarraitzen duen GAZTELEKUAk urrian berrirekiko ditu ateak. Bitarte honetan hezitzaile taldea eta koadrila ezberdinak  prozesu parte hartzaile batean murgilduta daude irekiera prestatzeko.

Irailaren 16a ezkeroztik Gazteen Zerbitzua ohiko ordutegira itzuli da. Astelehenetik ostiralera 16:30etatik 19:30etara eta larunbatetan 10:00tik 13:00ra. Zerbitzua telematikoki eskaintzen jarraitzen da zerbitzuaren telefono zenbaki, posta zein sareen bidez. 688 728 057 / 943 64 47 52, gib@hondarribia.eus

Prebentzio komunitarioari dagokionez bere ohiko arreta zerbitzuak berreskuratu ditu, astelehenetik ostiralera 9:00tik 14:00era eta ostiral arratsaldetan 16:00tik 19:00ra Harresilanda kaleko bulegoan. Programen diseinu eta egokitzapenean murgildurik, ohi bezala urritik aurrera aukeztu eta martxan jarriko dira